“Dönya Süriyä xalqın yänä yazmış qoçağına taşladı”

Ägär dönya qaçaq krizisın kontrol astına alırğa häm “DEAŞ”terrorınıñ taraluın totqarlaw mäs'äläsendä çınnan da citdi ikän, Süriyä xalqı öçen ışanıçlı,imin urınnar buldıru häm Süriyädäge suğışnı tuqtatu öçen zur tırışlıq kürsätergä tiyeş.

Berläşkän Millätlär Oyışması kontrolendä Jenevada başlanğan Süriyä söyläşüläre uñışsızlıq belän başlandı häm näticäle bulır kebek tä kürenmi.

Xalıqara cämğiyät tağın ber tapqır Süriyä xalqın Süriyä liderı Bäşar Äsäd häm aña yaqlaw kürsätüçelärneñ qulına qaldırdı.

Berläşkän Millätlär Oyışmasınıñ Süriyä maxsus wäkile Staffan de Mistura 4 nçe fevraldä yasağan belderüendä söyläşülärneñ 25 nçe fevralgä qadär tuñdırıluın citkerde.

Rusiya häm rejim köçläreneñ bombalawları Jeneva söyläşüläre waqıtında da däwam itte.

Süriyä cirlärendä 30 nçı sentyabrdä başlanğan häm İran belän Hizbullah yaqlaw kürsätkän Rusiya xärbi operatsiyäseneñ xäzergä qadär ber genä maqsatı bar ide.

Ul-basınqı oppozitsiyägä höcüm itü häm anı köçsezländerü , Äsäd rejimına yärdäm itü.

Höcümnär soñğı atnalarda tağın da arttı häm distälärçä keşe üterelde.

Bügenge köngä qadär Süriya rejimı da,Rusiya da “DEAŞ” terror oyışmasına qarşı çınlap ta bernindi çara kürmäde.

Süriyäle oppozitsionerlar utnı tuqtatu , humanitar yärdäm häm qulğa alınğannarnıñ irekkä cibärelüen taläp itä.

Bolar legal taläplär häm yaña Jeneva söyläşülärenä nigez äzerlägän söyläşülär häm kileşülärdä dä urın ala.

Fäqät berence könnän ük şul kürende, rejim säyäsi üzgäreş öçen söyläşülär belän qızıqsınmıy.

Rejim häm İran-Rusiya xärbi manevrları qarşında Berläşkän Millätlär Oyışması iskitkeç däräcädä zäğif totış kürsätte.

Awrupa Törkiyädän süriyäle sıyınuçı ağışın tuqtatunı kötä, dönya isä bu keşelärne Rusiya häm oçqıçlarınıñ bombalawlarınnan saqlawda uñışsılıqqa oçradı.

Barı tik bu atnada rejimğa bäyle köçlär Xalebnıñ tönyağındağı awıllarnı qulğa töşergännän soñ biredä yäşäwçe meñnärçä xaleblı Törkiyägä yul torttı.

Dönya haman da tınıç qına bolarnı küzätep bara.

Nigezdä bu wäzğiyättän şundıy näticä çığa : iñ möhime-köçleneñ närsä teläwe, köçkä iyä bulğan telägänenä ireşer .

Bu isä Süriyä xalqına häm dönyanıñ qalğan öleşenä birelgän iñ qurqınıç yullama.

Ägär dönya qaçaq krizisın kontrol astına alırğa häm “DEAŞ”terrorınıñ taraluın totqarlaw mäs'äläsendä çınnan da citdi ikan, Süriyä xalqı öçen ışanıçlı,imin urınnar buldıru häm Süriyädäge suğışnı tuqtatu öçen zur tırışlıq kürsätergä tiyeş.

Qalğanı buş süz,safsatadır.