Törkiyädä 23 aprel qotlawları

Törkiyä Böyek Millät Mäclesendä ütkärelgän tantanadan soñ däwlät räsmi zatları Anıtkäbergä bardı.

Anıtkäberdäge tantanada Parlament başlığı Cämil Çiçäk, Premyer-ministr Räcäp Tayyip Ärdoğan, “Cömhüriyät xalıq” partiyäse (CHP) Ğomum başlığı Kemal Kılıçdaroğlu häm “Millätçe xäräkät” partiyäse (MHP) Ğomum başlığı Däwlät Bahçeli qatnaştı.

Parlament başlığı Cämil Çiçäk Atatörek mavzoleyındağı maxsus däftärgä: “Sezneñ äydäp baruçanlığında açılğan parlamentıbız doşmannı ilebezdän quğan, Cömhüriyätne tözegän häm millätebezgä däräcäle tarix qaldırğan. Törkiyä Böyek Millät Mäclese bularaq bügen dä ilebezneñ qamilläşep üseş aluı häm bezgä maqsat itep kürsätkän zamança tsivilizatsiya däräcäsenä citüe öçen tırışabız”, - dip yazdı.