"Qızılay"nıñ Ramazan ayı eşçänlekläre

Törkiyäneñ humanitar yärdäm oyışmaları belän ber rättän Törek Qızılayı Ramazan ayında unmeñnärçä ixtıyacı bulğan keşegä yärdäm qulın suza. “Qızılay” kürsätkän eşçänleklärdän berse xaqında Törek Qızılayınıñ matbuğat kiñäşçese Sälahattin Bostannıñ añlatmasın täqdim itäbez.

“Ber hilal belän başlana Ramazan, anıñ astında cıyıla barlıq yärdäm itärgä yaratuçı küñellär.” Bu cömlä - Qızılay bu Ramazanda alıp barğan kampaniyaneñ qısqaça eçtälege. Kampaniyaneñ şiğare isä – “Bu hilal astında oçraşiq.” “Qızılay” bu cömlä häm şiğar belän Ramazan ayında çınğa aşırılğannarnı qısqaça añlata.

“Ber hilal belän başlanuçı” Ramazan çınında küp närsäne añlata. Ramazan söyneçen birüçe ul hilälne kürgäç ışanuçılar yaña häm üzgä rux xälenä kerä. Keşelär genä tügel, ä dönyanıñ şaqtıy geografiyasendä tormış ikençe törle ağa başlıy. Tağın da xozurlı, tağın da yaxşı möğamäläle.

Ul hilalne kürgäç ışanuçılar başqalarnı härwaqıttağıdan kübräk uylıy başlıy. Humanitar yärdäm oyışmaları öçen Ramazan ayları yärdäm kürsätü ayları bularaq bäyälänä. Yärdäm kürsätergä yaratuçılarnı kürep, çiläklären alıp, çığa alar. Qayberläre äz, qayberläre küp itep yärdäm yañğırınnan üz öleşen ala häm ixtıyacı bulğannarğa citkerä.

“Qızılay” şiğare belän yärdäm kürsätüçelärne “Qızılay” hilale astında oçraşırğa çaqıra. Alar isä yärdämgä çaba. Qızılay qalğan 11 ay belän çağıştırğanda millionnarça lirağa kübräk yärdäm ala. Ber yıl eçendä üzenä kilgän yärdämnärne dä östäp, millionnarça keşegä törek xalqınıñ märxämät qulın suza. Qızılaynıñ yärdämnären, döresräge törek xalqınıñ märxämätle qulın añlatu öçen 3 qitğadan 3 ürnäk birü citärle bulır.

Başta Awrupa qitğasın alıp uziq. Balkannı. Qızılay hilale astında oçraşuçılar kürsärtkän yärdämnär belän törkemnär Balkanda ayaq basmağan urın qaldırmadı.Qızılay törkemnäre Bosniya-Gertsegovinada, Serbiyada, Kosova, Makedoniya, Bolgariyağa yul tota. Awıldan awılğa, öydän öygä Ramazan ayındağı azıq-tölek yärdämen tarata ixtıyacı bulğannarğa. Barı tik Kosova häm Serbiyada ğına da 14 meñ keşe törek xalqınıñ märxämätenä şahit bula. Kiç belän öylärendä Törkiyädän kiterelgän dögedän pılaw peşerelä, Törkiyädän kilgän zäytün, xörmä belän awız açıla. Şul uq xäl Bosniya-Gertsegovina, Makedoniya, Bolgariyada küzätelä. Ayıruça Bosniya-Gertsegovinada. Anda bar keşeneñ diyärlek xäle sorala.

İkençe qitğa – Aziya. Aziyada Qızılay ber dä yalğız qaldırmağan illär bar. Alardan berse – Paqıstan, ikençese – Ğiraq. Törkiyä belän Paqıstannın duslığı, xätta qardäşlege elekkegä barıp totaşa. Törek xalqı fäqir Paqıstan xalqınıñ Berençe bötendönya suğışı häm Azatlıq suğışında Ğosmanlı geografiyaseneñ saqlanıluı öçen başqarğannarın ber dä onıtmayaçaq. Paqıstanlı xatın-qızlar qullarınnan çığarıp, Törkiyägä cibärgän beläzekläre, balalarınıñ rizığınnan çığarıp birgän aqçaları, Anadoluğa cibärgän qorallar häm kiräk-yaraq ber qayçanda onıtılmayaçaq. Törek xalqı bu qardäşlekne azağına qadär däwam itteräçäk. 2004nçe yılda barlıqqa kilgän zur cirteträwdän soñ “Qızılay” Paqıstanda daimi eş ofisın qordı. Maqsat – tağın da yaxşı humanitar yärdäm kürsätü häm Paqıstan Qızılayınıñ afätlär belän köräş säläten nığıtu. Ramazan ayında isä Törkiyä-Paqıstan arasında ayırmalı mönäsäbätlär barlıqqa kilä. Meñnärçä ğailägä här yıl bulğanı kebek bıyıl da Ramazan yärdämnäre Qızılay tarafınnan taratıldı. Törek Qızılayı alarnı yalğız qaldırmayaçaq.

Aziyada yaqın bulğan ikençe xalıq – Ğiraq törekmännäre. “Qızılay” Ğiraqta törekmännär belän ber rättän meñnärçä ixtıyacı bulğan keşelär öçen Ramazanda yärdäm kürsäta başladı. Ramazannın berençe könnärendä 7 meñ keşegä azıq-tölek paketı taratılfı. Dohuk, Ärbil, Süleymaniye, Bagdatta barlıq qaçaqlar şähärçekläre gizelde. Törkiyädän “Qızılay”dan tış ta yärdäm oyışmaları Ğiraqqa qarağan yärdäm kampaniyalären başlatqan ide. Qızılay alarnın yärdämnären dä moxtaclarğa iltte. Ayıruça da Kärkük. Kärküktä bernindi tabın Törkiyäneñ büläge bulğan azıq-töleksez qalmadı.

Soñğı geografiya – Amerika qitğası. Qızılay, döresräge yärdäm kürsätergä yaratuçı törek xalqı Amerika qitğasındağı ixtıyac iyälären dä yalğız qaldırmadı. Meksikanıñ Guatemala çigenä yaqın urnaşqan Chiapas San Cristobal töbägendä yäşäwçe ixtıyacı bulğan möselman xalqına Qızılay tarafınnan azıq-tölek taratıldı. Ramazan ayında Qızılay citäkçeläre häm xezmätkärläre belän oçraşqan Meksikalı möselmannar ğacäpkä qaldı.

Törkiyä Cömhüriyäte yaqın illärgä yärdäm itüne däwam itterä. Bande Acehtağı cirle bäreleşne färman belän azağına yaqınlaştırğan Ğosmanlı İmperatorlığı barıp ireşkän barlıq geografiyalärgä xäzer isä Törkiyä ireşä. Barlıq bu geografiyalärgä törek yärdäm kürsätü oyışmaları törek xalqınıñ märxamät qulın häm sälamen iltä.