Mikro iyärçen oçırtu sisteması

Törkiyä saqlanu sänäğate idaräse belän Roketsan şirkäte arasında Mikro iyärçen oçırtu sistemasın üsterü proyektı imzalandı. Räsmi belderüdä äytelgänçä, ul ilbaşı Räcäp Tayyip Ärdoğan 100 könlek başqaru proğrammasında beldergän waqıtqa ölgerde.

İmza quyu tantanasında saqlanu sänäğate idaräse citäkçese İsmail Dämir häm Törkiyä qorallı köçläre belän Roketsan wäkilläre qatnaştı.  

Proyekt 100 kilogramm häm annan da ciñel iyärçennärne biyeklege kimendä 400 kilometr bulğan tübän cir orbitasına urnaştıra aluçı sistemanı yasaw häm sınawnı üz êçenä ala.

Roketsan, kileşüdä äytelgänçä, “Mikro iyärçen oçırtu sisteması”n yasaw tışında, anı sınaw häm citeşterü ob’yektları häm oçırtu bazası tözeleşen dä tormışqa aşıra.

Şulay itep, Törkiyä dön’yada bik az ildä bulğan oçırtu, sınaw, çığaru asqorması häm baza tözü sälätenä iyä buldı.