Konsullıqta tentü

Soğud Ğaräbstanınıñ İstanbuldağı konsullığında tentü yasalaçaq. 2nçe oktyabr’dä öylänü êşläre öçen konsullıqqa kitkännän soñ annan kire çıqmağan Cämal Qaşıqçınıñ yazmışı xaqındağı bilgesezlek däwam itä. Bina qarşında jurnalistlar köne-töne xäbär kötep tora.

İstanbul prokuraturası Qaşıqçınıñ yuqqa çığuı belän bäyle tikşerü êşe başladı. Ämma “Vaşington Post” xäbärçese yazmışı älegä açıqlanmadı. Tışqı êşlär ministrlığı çığanaqları beldergänçä, Soğud Ğaräbstanı konsullığında tentü yasalırğa tiyeş.

Şul uq waqıtta, Amerikadağı xäbär agentlığı Blumberg Soğud Ğaräbstanı patşası Sälmannıñ Qaşıqçı êşe buyınça êçke tikşerü ütkärergä boyıruın belderä.