Tähran sammitı çit il matbuğatında

İlbaşı Räcäp Tayyip Ärdoğannıñ Süriyäneñ İdlib şähärendä “gumanitar krizis kisätüe” dön’ya matbuğatında zur çağılış taptı.  

7nçe sentyabr’dä Tähranda uzğan Törkiyä-Rusiyä-İran öç’yaqlı sammitına Ärdoğannıñ: “İdlibtä qan tügelüen telämibez. “Utnı tuqtatu”ğa adım yasawda fayda bar”,-süzläre tamğa quydı.

Törkiyäneñ keşelekle poziśiyäse Könbatışta da, ğaräp matbuğatında da kiñ urın aldı.

Amerikanıñ “Vaşington Post” gazetı ilbaşı Ärdoğannıñ “İdlibkä höcüm hälakät belän tögälläner” süzlären assızıqladı.

Angliyäneñ Reyters xäbär agentlığı isä Törkiyä ilbaşınıñ “Ülemnärne çittän qarap tormayaçaqbız” belderüen alğı planğa çığarsa, BiBiSi telekanalı “İdlibneñ qan küle buluın telämibez” süzlären qalın xäreflär belän yazdı.

Angliyäneñ “Skay N’yus” telekanalı isä İdlibtä bulırğa mömkin faciğagä iñ nıq borçıluçı illärdän berseneñ Törkiyä ikänen assızıqladı. Xäbärdä däwlätneñ moña qadär millionnarça sıyınuçını qabul itüe xäterlätelä. Törkiyäneñ İdlibtän kiläçäk yaña dulqınnı telämäwenä basım yasıylar.  

Franśiyäneñ “Le Monde” gazetı “Tähran sammitınıñ uñışsız ütüennän soñ İdlibtä minutlarnı sanaw başlandı” cömläsen qullana.

Germaniyäneñ “Doyçlandfunk” gazetı da Ärdoğannıñ “utnı tuqtatu”nı teläwen häm Süriyä rejimınıñ İdlibkä höcüme näticäsendä töbäkneñ qan külenä äwereläçäge turında kisätüen yazdı.  

Niderlandnıñ ictimağıy radiotelevideniyese NOS İran belän Rusiyäneñ İdlibne basıp alu öçen xärbi xäräkätkä işeklärne açıp quyuın, Törkiyäneñ isä utnı tuqtatırğa çaqıruın belderde.

Rusiyäneñ “Sputnik” qanalı isä Ärdoğannıñ “Maqsatıbız İdlib mäs’äläsen Astana ruxına turı kiterep tınıç yuldan xäl itü” süzlärenä urın birde.

Ğaräp mediyası da Ärdoğannıñ gumanitar krizis kisätüen alğa çığardı.

Äl-Cäzirä telekanalı ilbaşı Ärdoğannıñ “İdlibtä qul quşırıp tormayaçaqbız” süzlären assızıqladı.  

Ğıyraqnıñ däwlät gazetı “Sabax” Änkaranıñ säyäsi häm geografik totrıqlılıq täêmin itelgängä qadär tırışlıq quyaçağına basım yasadı.  

Livannıñ “Cömhüriyät” gazetı isä ilbaşı Ärdoğannıñ yaña migraśiyä dulqını turındağı kisätüen yazıp çıqtı.