Benin ilbaşı Törkiyädä
Ärdoğan FETÖneñ Beninda beterelüe zarurlığın belderde
Törkiyä ilbaşı Räcäp Tayyip Ärdoğan Amerika Quşma Ştatlarınıñ FETÖ terror oyışmasına yıllıq 800-850 million dollar tülӓwen ӓytte.
Ӓrdoğan Törkiyӓgӓ rӓsmi sӓfӓr yasağan Benin dӓwlӓt başlığı Patrik Talon belӓn üzara hӓm wӓkilleklӓrara söylӓşülӓrdӓn soñ matbuğat oçraşuı oyıştırdı.
Ӓrdoğan Benin ilbaşı Talon belӓn FETÖ mӓs’ӓlӓsen dӓ söylӓşü forsatın tabuın belderep: “FETÖ – terror oyışması, ul virüs kebek hӓr ilgӓ, hӓr urınğa hӓrtörle rӓweşkӓ kerep, ütӓ. Beninğa da kerdelӓr. Mӓğarif waqıfı wӓkilebez uzğan ayda wazifasına başladı. FETÖneñ Benindağı bӓylӓneşlӓreneñ beterelüe belӓn bӓyle nӓticӓne qısqa waqıtta alırbız dip ışanam,” – dide.
Törkiyӓ ilbaşı tübӓndӓgeçӓ dӓwam itte: “Amerika FETÖ atamanına 400 meñ m2 lık urın birde hӓm anda ul bar dönyadağı oyışmaları belӓn citӓkli. Yıllık çarter mӓktӓplӓrdӓn Amerika bu oyışmağa tülӓgӓn aqça – 800-850 million dollar. Monı hӓrkemneñ belüe kirӓk.”
Bäyläneşle xäbärlär
Fidan - Faysal ibn Färhan söyläşüe uzdı
Törkiyä tışqı êşlär ministrı Soğud Ğaräbstanı tışqı êşlär ministrı belän telefonnan söyläşte