Ciñü bäyräme

30nçı avgust Ciñü köne Törkiyädä häm çit illärdäge wäkilleklärdä 96nçı tapqır bilgeläp ütelä. Tantanalı çaralar qısasında, ilbaşı Räcäp Tayyip Ärdoğan Anıtkabirgä kilep çäçäklär salaçaq. Monnan tış, ul rezidenśiyäsendä Ciñü köne qotlawların qabul itäçäk. Ärdoğannıñ xärbi akademiyädä çığarılış kiçäsendä qatnaşuı da kötelä.

 Kütaxiya şähärendä Yäş’lar êşläre häm sport ministrı Mäxmät Möxärräm Kasapoğlu qatnaşında “Bäysezlekkä kitkän yulda” isemle çara ütäçäk. Dahi yulbaşçı Mostafa Kämal Atatörk citäkçelegendäge törek armiyäse 96 yıl êlek anda dön’ya tarixındağı iñ zur qahramanlıq dastannarınıñ bersen yaza - basıp aluçılarnı ildän quıp bäysezlekkä ireşü öçen Böyek höcümne başlıy. Ul Dumlupınarda ciñü belän tamamlana. Şunnan soñ, Mostafa Kämal Paşa anda çığış yasap, könbatış fronttağı berleklärgä: “Ğaskärlär, berençe maqsatıbız Urta diñgez, alğa!”-dip ämer birä. Törek armiyäse anıñ boyırığın cirenä citkerep ütäde häm bäysezlekne yawlap aldı.