”Beräw dä bu millät belän ,bu il belän uyın uynamasın”

Törkiyä ilbaşı “Ğadälät häm qalqınu” partiyäseneñ 6 nçı kongressındağı çığışında AQŞqa kisken yullamalar yasadı

”Beräw dä bu millät belän ,bu il belän uyın uynamasın”

 

Törkiyä ilbaşı Räcäp Tayyip Ärdoğan “Ğadälät häm qalqınu” partiyäseneñ çirattağı 6 nçı kongressında yasağan çığışında Törkiyägä qarata alıp barılğan iq’tisadi suğışqa tuqtaldı.

Ul Amerika Quşma Ştatlarına kisken yullamalar yasadı: “Beräwlär bezne güyä iq’tisad,sankśiya, valyuta, prośent, inflyaśiya belän qurqıta. Sezneñ uyınnarığıznı kürdek. İman bulsa ,mömkinlek tä bar. Bezneñ xalqıbız bügenge köngä qadar imanı belän küpme xıyanät häm tozaqlarnı ciñep cıqtı”,-dide.

Törkiyä ilbaşı süzlären tübändägeçä däwam itterde:”Beräw dä bu millät belän ,bu il belän uyın uynamasın. Bezgä strategik partnyer kebek kürenep tä ,här adımı belän bezne strategik maqsat itep alırğa tırışuçılarğa täslim bulmıybız. Tağın ber tapqır qabatlıym:maqsatığızğa ireşä , millätebezne bülä almayaçaqsız,azannarıbıznı tuqtata , däwlätebezne cimerä,bayrağıbıznı töşerä almayaçaqsız.Çönki bez Törkiyä, çönki bez törek milläte, bez möselman, çönki bez keşelek dönyasınıñ urtaq tawışı häm vöcdanı”.  

Ärdoğan Törkiyäneñ çik buyı iminlegeneñ çik ar’yağınnan başlawına ışanuların häm bu qısada alıp barılğan operaśiyälärneñ tağın da kiñäytelep däwam itäçägen assızıqladı.

Änkarada uzğan kongressta berdänber namzät bulğan ilbaşı Räcäp Tayyip Ärdoğan 1380 tawış belän 6 nçı tapqır “Ğadälät häm qalqınu” partiyäseneñ ( Aq partiya) ğomum başlığı itep saylandı.

 



Bäyläneşle xäbärlär