İran Törkiyägä teläktäşlek belderde

İran tışqı êşlär ministrlığı süzçese Bäxram Kasımi AQŞnıñ Törkiyägä qarşı säyäsäten tänqıyt’läde häm kürşe däwlätkä yärdämgä äzer buluların belderde.

Kasımi İran däwlät telekanalına interv’yu birep: “Törkiyä häm törek xalqı tıştan kontrol’ itelüçe basımğa qarşı köräştä nıq bula ala,”-dip belderde. Ul soñğı könnärdäge wäzğıyät’kä işarätläp, AQŞ sankśiyälärenä qarşı Törkiyägä teläktäşlek kürsätülären äytte.

Kasımi Törkiyä häm İrannıñ ber-berse belän yaxşı dus bulacağına ışana. “Xalıqlarnıñ ixtıyarı mäcbüriläw häm yanawlar belän üzgärä almas,”-dide ul.  

Süzçe kürşedä bulğan başqa däwlätlärneñ dä İrannıñ yannarında buluın xis itüläre kiräklegen häm illär arasındağı xezmättäşlekneñ ähämiyäten assızıqladı.