Ärdoğanğa qotlawlar kilä başladı

Äzärbäycän ilbaşı İlham Aliyev Törkiyä däwlät başlığı Räcäp Tayyip Ärdoğannı saylawlardağı uñışı belän qotladı. Telefon söyläşüendä ul Törkiyäneñ Ärdoğan citäkçelegendä tağın da üsüen, iq’tisadta zur uñışlarğa ireşüen häm xalıqara arenada urının tağın da köçäytüen belderde.

Ärdoğan iğ’tibarlı buluı häm qotlawları öçen Aliyevqa räxmäten citkerde.

Fälästin däwlät başlığı Mäxmüt Abbas, Bosniya Gerśegovina däwlät citäkçelege şurası räise Bakir İzzätbekoviç, Paqıstan ilbaşı Mämnün Xösäyen, Üzbäkstan däwlät başlığı Şäwkät Mirzizoyev, Katar ämire Tämim bin Xamad äs-Sani, Küveyt ämire Sabax äl-Äxmäd äl-Cabir äl-Sabax, Sudan däwlät başlığı Ömär äl-Bäşir, Makedoniya ilbaşı Korge İvanov, Serbiya prezidentı Aleksandr Vuçiç, Albaniya xökümäte räise Êdi Rama, Vengriya prem’yer-ministrı Viktor Orban da Ärdoğanğa şaltıratıp ciñüe belän qotladı.