Törkiyä AQŞ belän Rusiyäne sabırlıqların yuğaltmasqa çaqırdı
İke däwlätneñ Süriyä mäs’äläsendä kileşä almawları yuğarı noqtağa citte
Törkiyä AQŞ belän Rusiyäne sabırlıqların yuğaltmasqa çaqırdı. İke däwlätneñ Süriyä mäs’äläsendä kileşä almawları yuğarı noqtağa citte.
Törkiyä Milli saqlanu ministrı Nuretdin Canikli ber televizion qanalında Süriyädä soñğı könnärdä artqan kiyerenkelek xaqında söyläde. Ul älege cirlektä bik küp aktyor buluına häm alarnıñ mänfäğat’läreneñ ber-berseneke belän bäreleşüenä basım yasadı. “Xalıqara mönäsäbätlärdä bilgele ber noqtadan soñ aqıl belän êş itü yuqqa çığar häm şunda suğış başlanır”,-di ministr. Ul äytkänçä, AQŞ yärdämendäge köçlär Rusiyä qul astındağı köçlärgä höcüm itsä, Rusiyäneñ moña cawapsız qalmawı kiräk. Kiresençä bulğanda, köçen yuğaltır. “Bu säbäple citdi bäreleşlär çığaçaq. Mondıy qurqınıç küptän bar häm däwam itäçäk”,-dip assızıqladı Nuretdin Canikli. Ministr ber çatqınıñ oçuı böten töbäkneñ şartlawına kiteräçägenä basım yasadı. Ul Törkiyäneñ taraflarnı sabır bulırğa häm här adımnı ülçärgä, bigräk tä, terrorçı oyışmalar häm Äsäd rejimına yärdäm itüdän tuqtarğa çaqıruın söyläde.
