Ärdoğan Steinmeier belän telefonnan söyläşte

İlbaşı çığanaqlarınnan alınğan mäğ’lümatkä kürä, söyläşü waqıtında ike yaqlı mönäsäbätlärgä tuqtalıp uzıldı.

İke lider Törkiyä häm Germaniya arasındağı êlemtälärne tizräk yaqınaytu mäs’äläsendäge qatğilıqların rasladı.

Kanśler Angela Merkel belän uzğan atnada ütkärelgän söyläşügä dä tuqtalıp uzğan İlbaşı Ärdoğan Germaniyada tözelgän yaña xökümät belän dä dialognı häm xezmättäşlekne tizlätü mäs’äläsendä täwäkkäl bulularına iğ’tibarnı yünältte.

Terrorçılıqqa qarşı urtaq köräşneñ möhimlegenä basım yasalğan söyläşüdä Räcäp Tayyip Ärdoğan Süriyäneñ Afrin töbägendä ütkärelüçe “Zäytün botağı” xäräkätenä qağılışlı mäğ’lümat belän dä urtaqlaştı.

İke lidernıñ Germaniyada yäşäwçe töreklärneñ ike il arasında köçle insani bağlanış täşkil itüen assızıqlawları da belderelde.