"Netan'yaxunıñ Törkiyä häm ilbaşına qarata süzlären kisken räweştä ğayeplibez”

 Törkiyä ilbaşı idaräse süzçese İbrahim Qalın İzrail’ prem’yer - ministrı Netan'yaxunıñ Törkiyä Cömhüriyäte häm ilbaşı Räcäp Tayyip Ärdoğanğa qarata süzlären kisken räweştä ğayepläwlären belderde.

Qalınnıñ bu xaqtağı belderüendä tübändäge yullar urın aldı:” Xalıqara xoquq qağidälärenä ähämiyät birmägän ,Fälästin xalqınıñ yözlärçä yıllıq Watan cirlären yawlap alğan ,Berläşkän Millätlär Oyışması qararların sistemalı räweştä bozğan İzrail’neñ berence çiratta üz ğamälläre öçen cawap birüe zarur. Meñnärçä ğayepsez fälästinlene ütergän İzrail’neñ däğwa häm ğayepläwlärenä citdi qaraw mömkin tügel. İzrail’ räsmi zatları ilebez häm ilbaşıbıznı ğayepläw urınına Fälästin cirlären basıp alunı tuqtatsın. Törkiyä Cömhüriyäte dönyanıñ här cirendäge kebek Fälästindä dä xaq-xoquq häm cäberlängän keşelär yanında bulunı däwam itteräçäk”.