Oçışlar tuqtatıldı

Törkiyӓ premyer-ministr urınbasarı hӓm xökümӓt süzçese Bӓkir Bozdağ Törek hawa kiňlegeneň Tönyaq Ğiraq regional’ citӓkçelege töbӓgenӓ yabıluın ӓytte.

Bozdağ Törkiyӓ ilbaşı Rӓcӓp Tayyip Ӓrdoğan rӓislegendӓ uzğan Ministrlar Şurası cıyılışınnan soň açıqlawlar yasadı.

Xökümӓt süzçese tübӓndӓgeçӓ citkerde: “Milli İminlek şurasında qabul itelgӓn kiňӓş qararı belӓn Törek hawa kiňlege Tönyaq Ğiraq regional’ citӓkçelege töbӓgenӓ oçışlarnı ğamӓldӓn çığardı.”

Bozdağ: “Monnan soň Törek hawa kiňlegen qullanıp, bernindi oçqıç ta Tönyaq Ğiraq regional’ citӓkçelegendӓge hawa mӓydannarına oçmayaçaq hӓm annan quzğaluçı bernindi oçqıç Törek hawa kiňlegen qullanmayaçaq,” – dide.