"Ӓrdoğannı qabul itügӓ şat bez"
Törkiyä ilbaşı AQŞta dӓwlӓt başlığı Donal’d Tramp belӓn küreşep söylӓşte
Törkiyӓ ilbaşı Rӓcӓp Tayyip Ӓrdoğan Amerika Quşma Ştatları belӓn “DEAŞ” belӓn ber rӓttӓn barlıq terror oyışmalarına qarşı bergӓ körӓş alıp barunıň ӓhӓmiyӓtenӓ işarӓt itep: “Töbӓgebezneň kilӓçӓgendӓ terror oyışmalarına urın yuq. Ayıruça PYD-YPGneň ӓňgӓmӓdӓş itep kürelüe bernindi ilgӓ kileşmi,” - dide.
Ӓrdoğan rӓsmi sӓfӓr belӓn barğan AQŞta dӓwlӓt başlığı Donal’d Tramp belӓn küreşep söylӓşte.
Törkiyӓ ilbaşı söylӓşüdӓn soň oyıştırılğan matbuğat oçraşuında ike il arasında yaqın xezmӓttӓşlekneň ӓhӓmiyӓtenӓ iğtibarnı cӓlep itte.
Ӓrdoğan tübӓňdӓgeçӓ citkerde: “Tirӓn ütkӓne bulğan Törkiyӓ-AQŞ mönӓsӓbӓtlӓren qaradıq. Törkiyӓ belӓn AQŞ arasında mönӓsӓbӓtlӓr urtaq bağlar belӓn üste. Arabızdağı mönӓsӓbӓtlӓrne köçle totuıbız global’ tınıçlıq öçen bik möhim. Kilӓse barışta dialog hӓm xezmӓttӓşlekne tağın da arttıruda tӓwӓkkӓl bez.”
Törkiyӓ ilbaşı söylӓşüdӓ Süriyӓ hӓm Ğiraqta yasalaçaq adımnarnı bӓyӓlӓwlӓren belderde.
AQŞ dӓwlӓt başlığı Donal’d Tramp ta: “Ӓrdoğannı qabul itügӓ şat bez,” – digӓn.
“Terrorçılıq belӓn körӓştӓge yaňa doşmanıbızğa qarşı çığabız,” – digӓn Tramp tübӓndӓgeçӓ citkerde: “Törkiyӓne terrorçılıqqa qarşı körӓşendӓ xuplıybız.”
Süriyӓdӓge qırıslıqnıň azaytıluı öçen quyılğan tırışlıqlarnı da tӓqdir itülӓren beldergӓn Tramp: “Törkiyӓneň qoral zakazı talӓplӓren qanӓğatlӓnderergӓ ӓzer bez,” - digӓn.
