Ärdoğan açlıqqa bitaraf qalmadı
Törek Qızılayı Könçığış Afrika illärendäge açlıqqa qarşı kampaniya başlattı
Törkiyä ilbaşı Räcäp Tayyip Ärdoğan Könçığış Afrika illärendä 23 million keşeneñ açlıq belän köräşüenä bitaraf qalmadı.
Ärdoğan Törek Qızılayı töbäk öçen başlatqan yärdäm kampaniyasenä Twitterdağı xisabınnan quşılırğa çaqırdı.
Törekçä, inglizçä häm ğaräpçä yullama yasağan Törkiyä ilbaşı qorılıqqa bäyle açlıq qurqınıçı citdi ülçämgä citkän bu illärneñ yärdäm çaqırularına bitaraf almayaçaqların belderde.
Törek Qızılayınıñ “Könçığış Afrikağa ömet bul” isemle kampaniyase qısalarında barlıq kesä telefonı operatorlarınnan 2868gä “DOĞUAFRİKA” yazıp häm sms cibärep, 10 liralık yärdäm kürsätergä mömkin.
Berläşkän Millätlär Oyışması mäğlümatlarına kürä Könçığış Afrika illärendä 23 million keşe açlıq belän köräşä.
Somali, Kön’yaq Sudan, Êfiopiya, Keniya, Djbuti, Sudan, Uganda häm Burundi kebek illärdä yaqınça 23 million keşeneñ aşığıç azıq-tölek yärdämenä ixtıyacı bar.
Könçığış Afrikadağı qorılıq arqasında soñğı ber yılda azıq-tölek bäyälärendä küzätelgän artış ta krizisnıñ üsüenä säbäpçe.
BMOnıñ Azıq-tölek häm igençelek oyışması mäğlümatlarına kürä Êfiopiya, Keniya, Somali, Kön’yaq Sudan, Uganda häm Tanzaniyadağı azıq-tölek bäyäläre soñğı ber yılda rekord däräcägä citkän.
