"Bezne bastıra almayacaqlar"

Törkiyäneñ tışqı êşlär ministrı Mäwlüt Çavuşoğlu Germaniyada soñğı waqıtta artqan Törkiyägä qarşı çığunıñ qabul itelmäslek buluın äytte.

Germaniyaneñ Hamburg şähärendä Törkiyä watandaşları belän oçraşqan Çavuşoğlu cıyılışlarğa kirtä quyularnıñ üzlären bastıra almayacağın, qurqıtmayaçağın, Törkiyäneñ bu ildä yäşäwçe watandaşları belän bulğan bağların özä almayacağın açıqladı.

Germaniyadäge kirtä quyularnı ike yaqlı mönäsäbätlärgä kileşmäwçe totış bularaq bäyälägän ministr Çavuşoğlu tübändägeçä citkerde: “Germaniyaneñ sistematik räweştä Törkiyägä qarşı çığuı häm monda yäşäwçe watandaşlarıbızğa qarata sistematik basımı qabul itelmäslek,” – dide.

Germaniyada yäşäwçe Törkiyä watandaşlarınıñ ike il arasında möhim küper täşqil’ itüenä işarät itkän tışqı êşlär ministrı Törkiyäneñ Germaniya belän mönäsäbätlärne yaxşı totarğa teläwen, fäqat tiskäre totışlar qarşında izelmäyäçägenä dä iğtibarnı cälep itte.

Mäwlüt Çavuşoğlu Törkiyäneñ bernindi dus ilneñ êçke säyäsätenä qatışmawnı prinśip itep quyuın, Germaniyaneñ isä Törkiyädäge referendumğa qatışuın citkerep, bu ilne demokratik qimmätlär häm forsat tiñlegenä çaqırdı.

Ministr Törkiyäneñ bu mäs’älädäge tınıçsızlıqların alman xezmättäşe Sigmar Gabriel’ belän çärşämbe könge söyläşüendä kön tärtibenä kiteräçägen dä belderde.