Yıldırım - Barzani oçraşuı
Prem'er-ministr Yıldırım koordinaśiyanıñ möhimlegenä iğtibarnı yünältte
Germaniyadağı oçraşuları waqıtında Törkiyä Premyer-ministrı Binali Yıldırım Ğiraq körd regional’ citäkçelege başlığı Mäsud Barzani belän Münxendä oçraştı.
40 minutlıq matbuğatqa yabıq oçraşu waqıtında “DEAŞ” häm “PYD” terror oyışmaları belän ber rättän terrorçılıq belän köräş, regional’ häm xalıqara mäs’älälär quzğatıldı.
Ministrlar Kabşnetı çığanaqlarınnan alınğan mäğlümatkä kürä, söyläşü waqıtında êlemtälärneñ arttırıluı mäs’äläsendä kileşügä ireşelde, terrorçılıq belän köräştä qatğilıqqa basım yasaldı.
Terror törkemnäreneñ töbäktä säbäp bulğan tar-mar itü häm tınıçsızlıq torışına tuqtalıp uzıldı.
Prem'er-ministr Yıldırım koordinaśiyanıñ möhimlegenä iğtibarnı yünältte.
Barzani dä Yıldırımğa quşıluın assızıqlap, soñğı täräqqiyätlär turında mäğlümat birde.
Premyer-ministr Yıldırım belän bergä oçraşuda Tışqı eşlär ministrı Mäwlüt Çavuşoğlu, Awrupa Berlegennän cawaplı ministr Ömär Çälik häm Milli küzläw oyışması kiñäşçese Hakan Fidan da qatnaştı.
Bäyläneşle xäbärlär
"Netan’yaxu Gitlernı könläştererlek däräcägä citte”
Törkiyä ilbaşı bu xaqta Greśiya gazetına birgän interv’yusında citkerde
