“İke yaqlı säwdädä cirle aqça qullanu mäs’äläsendä êşçänleklär başlandı”

 Törkiyä prem’yer-ministrı Binali Yıldırım Törkiyä häm Rusiyäneñ ike yaqlı säwdädä cirle aqça qullanu mäs’äläsendä êşçänleklär başlatuın belderde.  

Yıldırım “Ria Novosti” xäbär agentlığına birgän inter’vyusında ike il mönäsäbätläre häm töbäktäge täräqqiyät’lärgä bäyä birde.

Törkiyä häm Rusiyäneñ säwdädä cirle aqça qullanu mäs’äläsenä dä tuqtalğan Yıldırım:” Bez bu xaqta söyläştek. Rusiya da monıñ belän yaqınnan qızıqsına. Üzäk banklar monı tormışqa aşıru öçen êşkä kereşte. Qayber texnik mäs’älälär östendä êşläw zarur”,-dide.

Prem’yer-ministr Yıldırım Törkiyä – Awrupa Berlege mönäsäbätläre xaqında tübändägelärne citkerde:” Törkiyä häm Awrupa Berlege mönäsäbätläre şaqtıy êlekkegä barıp totaşa. Bu mönäsäbätlär qayçaq yaxşı,qaywaqıt krizislar küzätelä. Rusiya belän bulğan kebek bolar här däwlät belän bulırğa mömkin.Awrupa Berlegeneñ qararı möhim tügel. Bu wäzğiyät’ yaqın waqıtta Rusiyäneñ “Sputnik” agentlığı belän bäyle qabul itelgän qarar belän ber ük. Awrupa Berlege “Sputnik”nıñ xäbärlärennän qanäğät’ tügel. Şuña kürä bu agentlıqnı çiklärgä teli. Ber yaqtan süz irege turında süz alıp bara. İkençe yaqtan da monı barı tik üz faydasına qullana. Bu ikele standart säyäsäte”,-dide.   

Törkiyäneñ Awrupa Berlegenä äğzalıq taläbennän waz kiçmäyäçägen belderüçe Yıldırım :”Awrupa Berlege bezneñ öçen tügel, üz kiläçäge öçen yasağan adımnarı xaqında yaxşılap uylasın. Berlekneñ kiläçäge häm iminlege isä Törkiyäsez mömkin tügel”,-dip belderde.

Yıdırımnıñ kön tärtibendä Süriyädäge täräqqiyät’lär dä bar ide.

Törkiyäneñ Süriyä cirlärendä qan qoyılunı tuqtatu öçen üzennän öleş kertüne däwam itterüenä basım yasawçı Binali Yıldırım rejimınıñ bu mäs’lädä xaqlı bulmawın belderde.

Törkiyä prem’yer-ministrı Süriyädä utnı tuqtatu täêmin itü häm anda zıyan kürüçelärgä humanitar