AQŞ generalına Törkiyäneñ tınıçsızlığı citkerelde

Amerika Quşma Ştatları Ğomum ştab başlığı armiya generalı Josef Danford Törkiyä Ğomum ştab başlığı armiya generalı Hulusi Akar belän küreşep söyläşü öçen yäkşämbe könne Törkiyädä ide.

İke xezmättäş arasında ütkärelgän söyläşüdän soñ yazma belderü yasaldı.

Belderüdä Süriyäneñ häm Ğiraqnıñ (Ğıyraqnıñ) cir bötenlegeneñ saqlanıp qaluı häm terrorçılıq belän köräşneñ urtaq räweştä alıp barıluınıñ möhimlegenä tağın ber qat iğtibar yünältelüe assızıqlandı.

Söyläşü waqıtında general Akar Süriyäneñ tön’yağın terror êlementlarınnan çistartıluı öçen 24nçe avgustta Törkiyäneñ äydäp baruçanlığında başlatılğan “Färat qalqanı” xäräkätenä koaliśiyanıñ hawa yärdämen kürsätüeneñ möhimlegenä basım yasadı.

Ayıruça qaçaqlar wazğiyätenä duçar bulğan süriyälelärneñ Cärablus häm başqa toraq urınnarına qaytuınıñ töbäktä totrıqlılıqnıñ urnaştırıluına öleş kertüe telgä alındı.

Söyläşü waqıtında Münbiçtan “PYD/YPG” terror oyışmasınıñ çığarıluı belän Rakkadağı soñğı wazğiyät, Ğiraqnıñ Musul qalasın “DEAŞ”tan azat itü öçen 17nçe üktäbr’dä Ğiraq ğaskäre başlatqan häm Amerika Quşma Ştatlarınıñ äydäp baruçanlığındağı koaliśiya köçläre yärdäm itüçe Musul xäräkäte, “PYD/YPG” terror oyışmasınıñ Süriyädäge häm Ğiraqtağı êşçänlege häm töbäktäge mäzhäb bäreleşlärenä qağılışlı risk mäs’älälärendä ike yaqlı mäğlümat häm qaraş belän almaşıldı.

Äl-Bab häm Rakka belän bergä Süriyädä häm Ğiraqta “DEAŞ”qa qarşı urtaq köräş yulları da quzğatıldı.

General Akar Törkiyäneñ Ğiraqnıñ Tälafär häm Sincar töbäklärendäge sizgerlegen häm “Fätullahçı” (FETÖ/PDY) terror oyışması/parallel däwlät qorılışınıñ Amerika Quşma Ştatlarında däwam itüçe êşçänlegennän tınıçsızlığın äñgämädäşenä citkerde.