Kalın: “Awrupa Berlege xıyal ömetsezlegen tudırdı”

İlbaşı idaräse süzçese İbrahim Kalın Awrupa Berlegeneñ “Fätullahçı” (FETÖ/PDY) terror oyışması/parallel däwlät qorılışınıñ 15nçe iyül’däge tüntäreleş kereşüennän soñ Törkiyägä qarata kürsätkän totışınıñ Awrupa Berlege äğzalegen yaqlawçı Törkiyä watandaşların da xätta tirän xıyal ömetsezlegenä duçar itüen belderde.

İlbaşı süzçese Kalın üzäge Bryusseldä urnaşqan “Politico” media organı öçen yazğan "Bryusselneñ ber probleması bar” isemle mäqaläsendä Awrupa Berlegeneñ 15nçe iyül’ qanlı tüntäreleş kereşüennän soñ kürsätkän totışın kisken räweştä tänqitläde.

Mäqaläsendä Törkiyädä yäşängän uñışsız tüntäreleş kereşüeneñ barı tik törek xalqı öçen genä tügel, Törkiyä-Awrupa Berlege mönäsäbätläre cähätennän dä borılış noqtası buluın assızıqlawçı Kalın: "Awrupa Berlege üzen demokratiya, keşe xoquqları häm xoquq östenlegen yaqlawçısı itep kürsätä, ämma nindi dä bulsa ber namzät ildä demokratiyağa qarşı yäşängän iñ zur höcümgä zäğif reakśiya kürsätep, xıyal ömetsezlegen tudırdı”, - dip äytte.

Kalın tüntäreleş kereşüeneñ 1980nçe yıllardan birle däwlät oyışmalarına sistemalı räweştä ütep kergän Fätullah Gülänneñ iyärüçeläre tarafınnan planlaştırıluına häm başqarıluına qağılışlı köçle dälillärgä ireşelüen assızıqladı.

Kalın dindar yäki dönyavi, konservator yäisä liberal’ bulmasın, törek xalqınıñ kübeseneñ “FETÖ/PDY” äğzaläreneñ tüntäreleşneñ artında buluın, Pensilvaniyada yäşäwçe “FETÖ/PDY” atamanı Gülänneñ, Törkiyägä qaytarılıp, ğadälätkä xisap birüeneñ zarurlığın uylawın belderde.

Törkiyäneñ härwaqıttağınnan tağın da köçle häm berlek-berdämlek êçendä buluın assızıqlawçı Kalın: "Qızğanıç, Bryusselneñ şuşı berdämlek-bergälek ruxın abaylamawı kürenä”, - dip äytte.

Kalın mäqaläsendä: "Törkiyä bügengä çaqlı “PKK” häm “DEAŞ” belän bergä ike zur terror oyışması belän köräş alıp bara. 15nçe iyül’ tüntäreleş kereşüennän soñ öçençe terror oyışması belän qara-qarşı buluıbız anıq räweştä mäğlüm buldı. Törkiyädän bu köräşne yalğız başına alıp baruın kötü ni çınlıqçı ni dä äxlaqi yaqtan döres bulır. Awrupa häm Amerika berlektäşlärebez bezgä zarur bulğan yärdämne kürsätergä tiyeş”, - dip yazdı.