Törkiyä ministrları Rusiyä başqalası Mäskäwdä
Törkiyä belän Rusiyä Federaśiyäse mönäsäbätlärendä yaña çor başlanğannan soñ Mäskäwgä ministrlar däräcäsendä berençe säfär yasala.
Premyer-ministr urınbasarı Mäxmät Şimşäk häm İqtisad ministrı Nihat Zäybäkcineñ ike il mönäsäbätlärendäge yaña çor qısalarında Mäskäwgä bügenge säfärläre bigräq tä iqtisad ölkäsendä yañadan şäkellänü barışın da alıp kilä.
Premyer-ministr urınbasarı Şimşäk häm İqtisad ministrı Zäybäkcineñ Mäskäwdä ütkäräçäk söyläşülärendä Törkiyädän Rusiyägä azıq-tölek êşlänmäläreneñ êksportı, ênergetika häm turizm belän bergä iqtisad tarmağında yasalaçaq adımnarnıñ täfsille räweştä qarap çığıluı kötelä.
İqtisadi êlemtälärneñ yañadan canlandırıluı belän ber rättän krizis aldınnan bilgelängän maqsatlarğa ireşelä alınuı öçen yasalaçaq adımnar da quzğatılaçaq.
Canikli belän Rusiyäle xezmättäşe Arkadiy Dvorkoviç räislegendä uzdırılaçaq wäkilleklärara söyläşülärdän soñ ike yaqlı söyläşülär ütkäreläçäk.
Zäybäkcineñ isä Rusiyä xezmättäşe Aleksey Ulyukayev häm Ênergetika ministrı Aleksandr Novak belän ayırım ayırım söyläşülär ütkärüe kötelä.
24nçe noyabrdä Rusiyä oçqıçı bärep töşerelgännän soñ kiyerenke bulğan mönäsäbätlär Törkiyä İlbaşı Räcäp Tayyip Ärdoğan belän Rusiyä Federaśiyäse Däwlät başlığı Vladimir Putin arasındağı söyläşü häm soñınnan ike il Tışqı êşlär ministrlarınıñ Qara diñgez iqtisadi xezmättäşlek cıyılışı uñayınnan Rusiyäneñ Soçi qalasında oçraşuı belän cayğa salınu barışına kergän ide.
