"Watandaşlarım tanklar astına yattı"

Kire çigenderelgän tüntäreleş kereşüennän soñ Törkiyä ilbaşı Räcäp Tayyip Ärdoğan Törkiyäneñ berlege, bötenlege, qardäşlegenä tüzä almawçılarnıñ 15nçe iyul könge däwlätne qulğa töşerü xäräkäteneñ qorallı ğamälgä äylänüen äytep, waqiğa barlıqqa kilgän tönne yasağan çaqıruına ilneñ här poçmağınnan barlıq watandaşlarnıñ qolaq salıp, mäydannarnı tutıruı yärdämendä FETÖ (Fethullah terror oyışması) yasağan adımnıñ kire çigenderelüen xäterlätte.

“Barlıq watandaşlarım mäydannarnı tutırıp, “Alarnıñ tanklar belän tupları bulsa, bezneñ dä imanıbız bar” diyep, qarşılarında tordılar. Bu yäş qardäşlärebezneñ tanklar astına yatuları çirattan waqiğa tügel. Bu imannıñ täşwike. Monı başqardılar,” – dide.

Törkiyä Böyek Millät Mäclese başlığı İsmail Kahraman da millät bularaq berböten bulunı belderep, bu qayğını kiçertüçelärneñ layıqlı cäzağa tratılaçaqların äytte.

Kahraman: “Bu – terrordır. Barlıqqa kereşü uñışqa ireşmäde. Däwlät bu waqiğadan cawaplılarnıñ häm eçke belän tışqı törkemnäreneñ tabıluın tä’min itäçäk. Monı xoquq eçendä başqaraçaq,” – dide.

Premyer-ministr häm Ğadälät häm qalqınu partiyase ğomüm başlığı Binali Yıldırım isä demokratiyane saqlap qalğan törek xalqına räxmäten belderep: “Küzläre qaplanğan ide. Läkin şunı belmädelär: millätneñ öyenä qağıluçılarnıñ qulı yanar. Ber täwlek tä ütmiçä qulları yandı. Bernindi tüntäreleş kereşüen oyıştıruçılar uñışqa ireşmäde. Monnan soñ da ireşmäs. Berkemneñ dä monnan soñ millät iradäsenä qul suzarğa qıyulığı bulmayaçaq,” – dide.