Aral küle mäydanı qalqındırıla

Üzbäkstan ilbaşı Törekmänstanğa säfär yasadı

2016nçı yılnıñ 14nçe dekabr’ könne wazifasına başlağan Üzbäkstan däwlät başlığı Şäwkät Mirziyoyev berençe räsmi säfären Törekmänstanğa yasadı.

Törekmänstan ilbaşı Gurbanguli Berdimuhammedovnıñ çaqırulı qunağı bularaq 2 könlek räsmi säfär beşän Aşxabatka barğan Mirziyoyev tantanalı räweştä qarşı alındı.

Berdimuhammedov häm qunağı Mirziyoyevnıñ üzara söyläşüennän soñ wäkilleklärara söyläşülär ütkärelde. İke lider wäkilleklärara söyläşülär belän dä citäkläde.

Wäkilleklärara söyläşülärdän soñ ike il arasında iqtisad häm mädäni mäs’älälär belän ber rättän şaqtıy xezmättäşlek kileşüe imzalandı.

Söyläşülärdän soñ oyıştırılğan matbuğat oçraşuında ike ilbaşı da säfärneñ ähämiyäten assızıqladı.

Söyläşülärdä ike yaqlı mönäsäbätlärneñ xäzerge wazğiyäten bäyäläwlären açıqlağan Törekmänstan däwlät başlığı Berdimuhammedov säfärneñ ike ilneñ qardäşlek häm duslıq nigezendäge ozın möddätle mönäsäbätlärneñ kiläçägen bilgeliyäçägen häm xezmättäşlekne tağın da nığıtaçağın äytte.

2009nçı yılda ğamälgä kergän Törekmänstan-Üzbäkstan-Qazaqstan-Qıtay tabiği gaz ütkärgeöe proyektındağı xezmättäşlekkä basım yasağan liderlar xalıqara transport häm ênergetika iminlege mäs’äläsendä xezmättäşlekne arttıraçaqların häm Urta Aziyane Urta Könçığış häm Awrupağa totaştıraçaq Üzbäkstan-Törekmänstan-İran-Oman timer yulı transport çeltäre proyektında da bergä êşlärgä däwam itäçäklären belderde.

Su problemaları häm Amu Der’ya yılğası belän Sırdar’ya mäs’äläsendä Berläşkän Millätlär Oyışması xoquqına yaraqlı räweştä êş başqaraçaqların äytkän ike lider Aral külen Qotqaru fondı, xalıqara terrorçılıq, narkobiznes belän köräş mäs’älälärendä dä urtaq êşçänlek başqarunı däwam itteräçäklären assızıqladı.

Üzbäkstan däwlät başlığı Mirziyoyevnıñ Törekmänstan säfäre sişämbe könne dä däwam itäçäk.

Törekmänstan ilbaşı zur ähämiyät birgän Amuder’ya yılğasında tözelgän häm Türkmenabat belän Farab şähärlären ber-bersenä bağlayaçaq timer yulı häm ciröste küperläreneñ açılışın bergä yasayaçaqlar.

Proyektnı Mirizyoyev ta maqtadı. Üzbäkstan ilbaşı proyektnıñ tarixi yefäk yulın qabat canlandıracağın da açıqladı.

Aral küle mäydanı yaxşırtılıp, qalqındırılaçaq

Üzbäkstan däwlät başlığı Şäwkät Mirziyoyev imzalağan “Aral küle mäydanınıñ yaxşırtıluı” programmasına kürä töbäktä 72 proyekt öçen yaqınça 20 million dolarlık investiśiya kerteläçäk.

Üzbäkstan xökümäte sularının kibüe arqasında zur êkologiya fäläkäte belän oçraşqan Aral küle mäydanında turizmnı üsteräçäk töbäkne qalqındırunı maqsat itä.

Üzbäkstannıñ Êş ministrlığı matbuğat ofisınnan yasalğan açıqlawğa kürä Üzbäkstan ilbaşı “2017-2018dä Aral küle mäydanınıñ yaxşırtıluı” programmasın imzaladı. Älege programma 72 proyekt qısalarında yaqınça 20 million dolarlık investiśiyaneñ kertelüen küzdä tota.

Programma qısalarında Aral küle yar buyında urnaşqan Moynak ilçäsendäge êlekke konserv balıq êşxanäseneñ yañartılıp, ğamälgä kertelüe, Moynak sänägät töbägeneñ barlıqqa kiterelüe häm igençelek êşlänmäläre ölkäsendä êşçänlek başqaraçaq 100 tiräse êşxanä belän meñ 340 keşeneñ êş belän täêmin itelüe maqsat itelä.

Programma ayıruça töbäktä tözeläçäk “Moynak City Center” küñel açu häm yal itü qorılmalarında Aral küle töbägenä xas toz häm balçıq belän däwalaw üzäkläreneñ ğamälgä kertelüen küzdä tota.

Üzbäkstan xökümäte tarafınan bu yılnıñ başında raslanğan “2017-2021dä Aral küle mäydanın qalqındıru” däwlät programmasında kürä töbäk öçen 2,6 milliard dolarlık çığanaqnıñ bülenüe planlana.

Nahçivandağı Ashab-ı Kehf mäğarälärenä turistlar qızıqsınu kürsätä

Azärbaycannıñ Nahçivan üzidaräle cömhüriyätendä urnaşqan Ashab-ı Kehf Dini-mädäni kompleksın dönyanıñ törle illärennän kilüçe turistlar gizä.

Culfa şähärendä urın alğan, dönyanıñ üzgä mädäniyätläre êzläre bulğan häm ayıruça möselman illärdän kilüçelär barğan Ashab-ı Kehf mäğaräläre Törkiyä häm İran belän bergä şaqtıy ildän kilüçe turistlar tarafınnan zuq qızıqsınu kürä.

Şähär üzägenä 1 säğatlek yıraqlıqta urnaşqan mäğarälär ışanu turizmı cähatennän Nahçivannıñ iñ zur turizm üzäge bulıp tora.

Ashab-ı Kehf Dini häm mädäni muzey kompleksı mödire Qurbanov Qaraj Sevdimalıoğlu mäğarälärneñ ışanu turizmı cähatennän möhim buluın äytte.

Kompleksnıñ töbäkneñ iñ qimmätle turizm alannarınnan berse buluın añlatqan Sevdimalıoğlu tübändägeçä citkerde: “Bar dönyadan keşelär ağıla. Qardäş Törkiyädän, İrani Amerika, Angliya, Franśiya, Yaponiya, Malayziya häm ğaräp illärennän. Baqıda xalıqara cıyılışta qatnaşqan çit il keşeläre monda da kilä. Olı yulbaşçıbız Xäydär Aliyev bu cirne däwlätneke yasadı, dini-mädäni kompleks bularaq terkälde.”

Ashab-ı Kehf mäğarälären gizär öçen Törkiyädän kilgän Cängiz Ärdänär isä: “Bik matur häm qızıqlı urın, dini yaqtan keşene tınıçlandıra. Gizgän waqıtta bik yarattım, bik matur yasağannar. Dinebezdä urın alğanı öçen bik ähämiyätle cirlär. Qor’än-i Kärimdä dä uza, mondıy urınnarnı kilep kürgänem öçen bik şatmın,” – dide.