Törekmänstanda 5 nçe Aziya uyınnarı uza

 Törekmänstan

Törekmänstanda 5 nçe Aziya uyınnarı başlandı. 17 nçe sentyabr’dä Aşxabadta uzğan räsmi açılış tantanasında 7 meň tiräse keşe qatnaşuı belderelde.

2010 nçı yıl azağında nigez salınğan  olimpiada qorılmaların törek şirkäte tözede häm ul 15 ayırım sport qorlmasın üz êçenä ala.

5 nçe Aziya uyınnarında 65 komanda sportçıları medal’ öçen köç sınaşaçaq.Yaqınça 6 meň sportçı 21 sport törendä tir tügäçäk.  

Çara däwamında 351 medal’ tapşıru tantanası ütkäreläçäk häm 1870 medal’  iyälärenä tapşırılaçaq.

5 nçe Aziya uyınnarı başqarma komitetı räsmi zatları beldergänçä, uyınnar däwamında 140 meň kilogram rizıq äzerlänäçäk.

12 kön däwam itäçäk çarağa 700 meň bilet atnalar êlek satuğa çığarıldı. 17-27 nçe sentyabr’ könnärendä uzaçaq 5 nçe Aziya uyınnarında 8 meň üzixtiyarı wazıyfa başqaraçaq.

Biredäge kompleks êçendä urın alğan häm olimpiada stadionın bizäwçe at başı häykäle belän su sportları üzäge Ginnessnıň rekordlar kitabına kertelde.

Qazaqstan

Kiril alfavitınnan latın alfavitına küçärgä äzerlängän  Qazaqstanda yaňa älifba proyektı parlamentqa tapşırıldı.

Bu xaqtağı parlament utırışında kabinet äğ’zaları, ğalimnär häm lingvistlar qatnaştı. 

Utırışta çığış yasağan Qazaqstan parlament başlığı Nurlan Nigmatullin milli üzaň,ruxıy qimmätlär häm iq’tisadi qalqınu yulınıň yaňa qazaq tele alfavitın buldıru belän başlanaçağın belderde.

Nigmatullin yaňa qazaq alfavitınıň ilen dönya belän berläşterüçe möhim faktör bulaçağına basım yasap “Latin älifbasına küçü onıqlarıbıznıň ingliz telen häm internet tellären öyränügä mömkinlek tudıraçaq” dide.

Qazaqstan mädäniyat häm sport ministrı Arıstanbäk Muhamädiulı latin alfavitına küçü äzerlekläreneň 6 yıl êlek başlanuın häm bu barışta törle çaralarda bäxäslärneň däwam itüen citkerde.

Latin alfavitına küçü öçen ğalimnär, tel belgeçlärennän torğan êşçänlek törkeme äzerlägän qazaq tele alfavitı proyektı buldırıluın beldergän Muhamädiulı yaňa älifbanı äzerlägändä barlıq fikerlärgä iğ’tibar itelüen belderde.

Qazaqstan mädäniyat häm sport ministrı äzerlek êşçänleklärendä xalıqnıň küpçelegeneň latin alfavitına küçü qararına yaqlaw kürsätüen assızıqladı.

Yaňa alfavitnı äzerläwçelärdän Baytursınov isemendäge tel ğıylemnäre institutı mödire Kajıbek Ärdän Zadaulı alfavitnıň êtaplı räweştä ğamälgä kerteläçägen häm bu barışta qıyınlıqlar kötelmäwen citkerde.

Törki akademiya başlığı Darhan Kıdıralı tuğandaş illär täcribälären tikşerep öyränülären , latin xärefläreneň urtaq tyurkologiya alfavitı buluın häm latin älifbasınıň qazaq tele fonetikasına turı kilüen belderde.  

Kiril alfavitınnan latin alfavitına küçärgä äzerlängän Qazaqstan 2018 nçe yıldan başlap mäktäplärdä däresleklarneň latin älifbasında basıluın maqsat itep quya.

Qazaqstan däwlät başlığı Nursoltan Nazarbayev 2025 nçe yılğa qadär barlıq kitaplar, waqıtlı matbuğat häm räsmi dokumentlarnı latin alfavitında bastırıp çığarunı planlaştıruların beldergän ide.

TÖREKSOY

Xalıqara törki mädäniyat oyışması TÖREKSOY nıň tradiŝion bularaq ütkärelep kilüçe Opera könnäre bıyıl 11-13 nçe sentyabr’ könnärendä uzdı.

TÖREKSOY,Törkiyä Cömhüriyäte mädäniyat häm turizm ministrlığı ,Törkiyä däwlät opera baletı ğomum mödirlege, Ämäk sänğät’ häm mädäniyat waqıfı xezmättäşlegendä ütkärelgän bıyılğı çaralarda Azärbaycan, Qazaqstan,Qırğızstan, Törkiyä häm Tön’yaq Kipr Törek Cömhüriyätennän 9 opera sanğät’çese qatnaştı.

20 nçe TÖREKSOY Opera könnäre qısasındağı täwge konsert İstanbulnıň iň yaňa opera säxnälärennän berse bulğan Grand Pera Ämäk zalında uzdı.

Törki dönya opera yoldızları İstanbuldağı açılış konŝertınnan soň uzğan yıllardağı kebek Tön’yaq Kipr Törek Cömhüriyätendä çığış yasadı.  

Berençese 1994 nçe yılda oyıştırılğan häm TÖREKSOYnıň tradiŝiona çaralarınnan berse bulğan ,törki dönya sänğät’çelären bergä oçraştıruçı TÖREKSOY Opera könnäre bügenge köngä qadär şaqtıy şähär häm ildä uzdı. TÖREKSOY dönya külämendäge çaraları belän törki xalıqlarnıň mädäni baylığın tanıtuğa üzennän zur öleş kertä.