Tatar Guterreşneñ Kipr maxsus wäkilen rasladı
Tön’yaq Kipr Törek Cömhüriyäte İlbaşı Ärsin Tatar Berläşkän Millätlär Oyışması Ğomum särqatibe Antonio Guterreşneñ Kipr öçen täq’dim itkän şäxsi wäkil namzäten rasladı
2075251
Törek agentlığı Kipr xäbärendä Guterreşneñ Kipr maxsus wäkile bularaq täq’dim itelgän keşeneñ Maria Angela Holguin Сuellar buluın belderde.
Tatarnıñ kiçä kiçke säğätlärdä şäxsi wäkilneñ raslanuı turındağı belderüne Guterreşkä citkerüen äytte.
Êlekke Kolumbiya tışqı êşlär ministrı Holguin Сuellar moña qadär Berläşkän Millätlär Oyışması daimi wäkilçelegendä wazıyfa başqardı.
BMO Ğomum särqatibe belän ireşelgän kileşü qısalarında şäxsi wäkilneñ 6 ayğa bilgelänäçäge, berdänber wazıyfasınıñ da yaña häm räsmi söyläşülär barışın başlatu öçen ike taraf arasında urtaq nigez barmı, yuqmı ikänlegen tikşerü bulaçağı belderelde.
