Tatar: “Däwlätebezneñ tanıluı zarur”

Tön’yaq Kipr Törek Cömhüriyäte İlbaşı idaräsennän yasalğan yazmaça belderügä kürä, Tatar Berläşkän Millätlär Oyışmasınıñ 78nçe Ğomum Şurası (General’ Assambleyası) mönäsäbäte belän kitkän N’yu-Yorkta (Нью-Йоркта) Tön’yaq Kipr Törek Cömhüriyäte watandaşları belän oçraştı.

Tatar biredä yasağan çığışında çit illärdä yäşäwçe Kipr törekläreneñ berlek häm berdämlek êçendä buluın häm üz watannarınnan hiç ayırılmawların belderde.

Kiläse buınnarnıñ Tön’yaq Kipr Törek Cömhüriyäte belän bağlanışların däwam (дәвам) itterüeneñ ähämiyätenä iğ’tibarnı yünältüçe Tatar Törkiyä Cömhüriyäteneñ yärdämeneñ möhim buluına basım yasadı.

Tatar, İlbaşı Räcäp Tayyip Ärdoğannıñ BMO Ğomum Şurasında yasağan çığışında Kipr töreklärenä yasalğan ğadelsezleklärneñ tuqtatıluınıñ, zolım üzençälegendäge êmbargolarnıñ häm izolyaśiyälärneñ (изоляцияләрнең) beterelüeneñ häm Tön’yaq Kipr Törek Cömhüriyäteneñ bäysezlegeneñ qabul itelüeneñ häm tanıluınıñ zarurlığın äytüen citkerep: "Kürsätelgän şuşı yaqlaw böten dönyada xaqlı däğwabıznıñ işetelüe häm qabul itelüe cähätennän möhim”, - dip äytte.

Ärsin Tatar Kipr törek xalqınıñ xaqlı köräşeneñ dönyada urın taba aluı öçen Kiprda yasalğan ayırımçılıqtan motlaq räweştä waz kiçelüeneñ zarurlığına basım yasadı.

"Bez irekle ıxtıyarıbız belän tözegän däwlätebezneñ tanıluı kiräk”, - dip äytüçe Tatar bu räweşle (рәвешле) barlıqqa kiläçäk xezmättäşlek näticäsendä böten töbäkneñ totrıqlılıqtan faydalana alınaçağın belderde.

BMO Ğomum särqatibe Antonio Guterreş belän N’yu-Yorkta (Нью-Йоркта) ütkärgän oçraşu waqıtında Kipr törek yağınıñ poziśiyäsen (позициясен) añlatuın iskärtep uzuçı Tatar köçläp kiterelgän çişeleşne berqayçan da qabul itmäyäçäklären äytüen citkerde.

Tatar, barı tik irekle ıxtıyar belän ütkäreläçäk söyläşüdän soñ kileşüneñ bula alaçağına basım yasap: "Kiläçäktä kileşü bulğan oçraqta ul kileşüneñ ber yağı da Tön’yaq Kipr Törek Cömhüriyäte bulaçaq”, - dip äytte.