Üstäl: “Törkiyäneñ öleş kertüe belän yaña proyıktlarıbıznı tormışqa aşıraçaqbız”
Tön’yaq Kipr Törek Cömhüriyäte Baş ministrı Ünal Üstäl 3 yılda iñ möhim asqorma problemaların beteräçäklärenä basım yasap: "Töp watanıbız Törkiyäneñ zur öleş kertüe belän yaña proyıktlarnı da bik tiz tormışqa aşıraçaqbız”, - dip äytte
(TAK) “Törek agentlığı Kipr”nıñ Ministrlar Kabinetınnan yasalğan belderügä nigezlänep citkergän xäbärenä kürä, Baş ministr Üstäl Törkiyä İlbaşı urınbasarı Cäwdät Yılmaznıñ Tön’yaq Kipr Törek Cömhüriyätenä yasağan säfären bäyäläde.
Töp watan Törkiyäneñ köçle yärdäme belän zur proyıktlarnı ber-ber artlı tormışqa aşıruların häm Tön’yaq Kipr Törek Cömhüriyäten dönya belän oçraştıru kenek zur maqsatları buluın iskärtep uzuçı Üstäl İlbaşı urınbasarı Yılmaz belän iq’tisadtan asqorma investiśiyälärenä (инвестицияләренә), sänäğättän säwdägä, awıl xucalığınnan êş tormışına, transporttan turizmğa, sälamätlek saqlawdan mäğarifkä qadär bik küp mäs’äläne söyläşülärenä iğ’tibarnı yünältep:
"Töp watanıbız Törkiyäneñ zur öleş kertüe belän yaña proyıktlarnı da bik tiz itep tormışqa aşıraçaqbız. Tön’yaq Kipr Törek Cömhüriyäte-Törkiyä mönäsäbätläre finans tügel, tormışçan”, - dip bilgeläp uzdı.
