Azärbaycan: “Ärmänstan töbäktäge wazğıyätne kiyırenke qıla”

Ministrlıq belderüendä Ärmänstan armiyasınıñ Basargäçär vilayäteneñ Zod toraq urını yünäleşendä urnaşqan nığıtmalardan Azärbaycan ğakäreneñ Kälbäcär yağındağı poziśiyälärenä (позицияләренә) törle kalibrlı qorallar, minomyotlar, tuplar häm kamikadze keşesez hawa apparatları belän höcüm itüe citkerelde.

Belderüdä Ärmänstannıñ şuşı höcüme belän töbäktäge wazğıyätne kiyırenke qıluı iskärtelep uzıldı.

Ärmänstan armiyasınıñ telgä alınğan şuşı töbäkkä östämä xärbi kiräk-yaraqlarnı häm personalnı cibärüe äytelgän belderüdä Ärmänstan tarafınıñ tağın da kübräk provokaśiyägä (провокациягә) nigez äzerläw maqsatınnan çığıp dezinformaśiya (дезинформация) belän xalıqara cämäğätçelektä yalğış fiker tudırırğa tırışuı bilgeläp uzıldı.

Belderüdä barlıqqa kilgän kiyırenkelektän häm näticälärennän böten cawaplılıqnıñ Ärmänstannıñ xärbi häm säyäsi citäkçelegendä buluına basım yasaldı.

Şul uq waqıtta Azärbaycan tışqı êşlär ministrlığı da yazmaça belderü belän Ärmänstannıñ höcümnären gäyıpläde.

Ministrlıq belderüendä: "Ärmänstannıñ, ildäge kiyırenke säyäsi häm ictimağıy torıştan iğ’tibarnı başqa yaqqa yünältü, ber ük waqıtta xalıqara cämäğätçelekne yalğıştıru maqsatınnan çığıp başqarılğan mondıy ğamällär xalıqara cämäğätçelek tarafınnan kisken räweştä kire qağılırğa häm gäyıplänelergä tiyış”, - dip äytelde.

Ärmänstan armiyasınıñ çik buyındağı Azärbaycan poziśiyälärenä (позицияләренә) ut açuı näticäsendä 3 Azärbaycan ğaskäriyı yaralanğan, Azärbaycan ğaskäre cawap qaytarğan ide.

Ärmänstan matbuğatında isä bäreleş waqıtında 2 ärmän ğaskäriyıneñ häläq buluı turında xäbärlär çıqqan ide.