Azärbaycan ilçelegenä höcüm bulğan
Çığışı belän ärmän bulğan ber törkem buyaw (буяу) häm şartlatqıç şeşälär belän höcüm itte
Azärbaycannıñ Livan başqalası Beyruttağı ilçelek binasına çığışı belän ärmän bulğan ber törkem buyaw häm şartlatqıç şeşälär belän höcüm itte.
Azärbaycannıñ tışqı êşlär ministrlığı belderü yasap, Livanda çara oyıştırğan 50 tiräse ärmänneñ Beyrut ilçelege binası tiräsendäge qoymalarnı cimerüen, êçendä buyaw (буяу) häm şartlatqıç bulğan şeşälärne binağa ırğıtuın citkerde.
Höcüm näticäsendä ilçelek personalınnan yaralanuçı bulmağan.
Belderüdä bolay diyılä: “Diplomatik missiyalärneñ saqlanuınnan cawaplı oyışmağa waqıyğa turında xäbär birelgännän soñ xoquq saqlaw köçläre kilde, läkin bu waqıtta provokatorlar qaçqan ide. İlçelekkä oyıştırılğan bu höcümgä bäyläneşe bulğan keşelärneñ tabıluı häm qulğa alınuı maqsatı belän Livan Tışqı êşlär ministrlığına nota täqdim itelde häm çaralar kürelä başlandı.”
Beyruttağı ilçelektä qurqınıçsızlıq çaraları arttırılğan, höcüm belän bäyle bularaq tikşerü başlatılğan.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä