Törekmänstan: “Bez Trans-Xäzär xezmättäşlegenä äzer”

Törekmänstan tışqı êşlär ministrlığınnan yasalğan belderügä kürä, Meredov Xäzär (Kaspiy) diñgeze köne mönäsäbäte belän Törekmänstan başqalası Aşqabatta oyıştırılğan "Xäzär diñgeze – tınıçlıq häm duslıq diñgeze" temalı forumda çığış yasadı.

Xäzär diñgeze köneneñ zur külämdä Törekmänstannıñ tırışuları näticäsendä xalıqara çaralar kalendarenä kertelüenä iğ’tibarnı yünältüçe Meredov: "İlebez Xäzär kön tärtibendäge böten mäs’älälärdä urtaqlar belän dialogqa härwaqıt äzer, törle qaraşlarnıñ häm konstruktiv täq’dimnärneñ söyläşelüenä açıq”, - dip äytte.

Meredov Xäzär buyında urnaşqan kürşe illär belän häm töbäktän çittä urnaşqan däwlätlär belän dä iq’tisadi xezmättäşlek üsterüne maqsat itülären belderde.

Ênergetika (Энергетика) tarmağında törleländerü strategiyasına bäyle bulğan Törekmänstannıñ Trans-Xäzär ütkärgeçe proyıktınıñ tormışqa aşırıluı mäs’äläsendä Awrupalı urtaqlar belän xezmättäşlekne däwam (дәвам) itterergä äzer buluına basım yasawçı (ясaучы) Meredov monıñ barı tik iq’tisadi häm säwdä bularaq tormışqa aşırıla torğan proyıkt qına tügel, ber ük waqıtta mänfäğätlärneñ häm faydalarnıñ tigez itep iğ’tibarğa alınuına nigezlängän global’ ênergiya qurqınıçsızlığınıñ häm daimilegeneñ täêmin itelüe öçen töp şart bularaq qaralırğa mömkinlegen iskärtep uzdı.