Äränköy qarşılıq kürsätüeneñ şähitlären iskä alu
Kipr greklarınıñ 59 yıl êlek Äränköygä cir östennän häm diñgezdän başlatqan qamalışqa qarşılıq kürsätkän çaqta şähit buluçılar Tön’yaq Kipr Törek Cömhüriyätendä oyıştırılğan cıyın belän iskä alındı
Äränköydä ütkärelgän iskä alu cıyınında Tön’yaq Kipr Törek Cömhüriyäte İlbaşı Ärsin Tatar, Parlament başlığı Zorlu Törä, Baş ministr Ünal Üstäl, Türkiyäneñ (Төркиянең) Lefkoşa ilçelegeneñ waqıtlı wäkile Zärrin Kandämir, qayber ministrlar, xalıq ışanıçlıları, xärbi häm grajdan räsmiläre belän şähit tuğannarı, uquçı yäş’lär häm watandaşlar qatnaştı.
İlbaşı Tatar cıyında yasağan çığışında Äränköy qarşılıq kürsätüeneñ törle mäğ’nälärdä oxşaş yaqları belän Kipr törek xalqı öçen keçkenä Çanakkalä ciñüe buluına basım yasadı.
Äränköydä kübesençä yuğarı uqu yortı studentı bulğan Kipr törekläreneñ üzlärennän san yağınnan östen bulğan Kipr grek köçlärenä qarşılıq kürsätüen xäterlätüçe Tatar: "Äränköydä Kipr törekläre dastan yazdı. Bu dastan belän Kipr törekläreneñ Kiprdağı törek barlığının mäñge däwam itäçägen böten dönyağa kürsätte”, - dip äytte.
Çığışında Äränköy qarşılıq kürsätüenä yärdäm öçen ütkärelgän hawa xäräkätendä Kipr greklarına äsir bulğannan soñ şähit itelgän pilot kapitan Cängiz Topälne dä Allahnıñ yarlıqawı belän iskä aluçı Tatar: "1964nçe yılnıñ 8nçe avgust könne törek oçqıçları Kipr grekları belän Greśiya (Греция) ikeleseneñ bandaların häm terrorçıların çigenderep Äränköy köräşen taclandırdılar", - dip beldrede.
İlbaşı Tatar, Kipr törek xalqınıñ tarix säxnäsennän beterelergä yaqın bulğan çaqta Äränköydä qazanılğan ciñüneñ ul çorda härkemgä ruxıy köç birüenä basım yasap, ike däwlätle säyäsätne tänqıytläwçelärgä iñ yaxşı cawapnıñ ul könne tülängän bäyälär, törek xalqı kiçergän genośidlar (геноцидлар) häm kümäk yuq itü plannarı belän bolarğa qarşı ülem ixtimalın qabul itep qarşılıq kürsätkän xalıq buluın iskärtep uzdı.
