Tatar: “Tınıçlıq häm greklarğa, häm töreklärgä kilde”
Tön’yaq Kipr Törek Cömhüriyäte İlbaşı Ärsin Tatar törek ğaskäreneñ 1974nçe yılda Kiprda ütkärgän Tınıçlıq xäräkäte belän greklarğa häm töreklärgä tınıçlıq kiterüen bederde
Başqala Läfkoşadağı İlbaşı ofisında 1974nçe yılnıñ 20nçe iyül’ könge Kipr tınıçlıq xäräkätenä bäyä birüçe Tatar: "Tınıçlıq xäräkäte bulmasa ide Kipr Girittän tağın da bitär (naçarraq) bulır ide. Utrawnı tulısınça töreklärdän çistartırlar ide”, - dide.
Tatar, xäräkätneñ Kiprda borılış noqtasın täşkil itüenä iğ’tibarnı yünältep, Kipr grek häm Greśiya duêtınıñ kötmägän mizgeldä törek ğaskäre aldında aptirap qaluların äytte.
Törek xalqınıñ 1960nçı yıllardan 1974nçe yılğa qadär Kiprda törle ütereşlärgä duçar buluın, iq’tisadi çaralar belän utrawdan cibärelüen añlatuçı Tatar xäräkätneñ Türkiyäneñ xalıqara kileşülärgä bäyle "ber yaqlı qatışu” xoquqı nigezendä ütkärelüen añlattı.
Ärsin Tatar: "Törek xärbiläreneñ utrawğa adım yasawı belän tınıçlıq häm greklarğa häm töreklärgä kilde. Kiprda ul könnän bügengä qadär bernindi bäreleş bulmadı, berkemneñ dä borınınnan qan kitmäde. Tön’yağı häm Kön’yağı belän Kipr yaña barışqa kerde”, - dip äytte.
