Äliyıv, Paşinyan häm Mişel’ Bryussel’dä oçraşaçaq
Ärmänstan Baş ministrı Nikol Paşinyan Azärbaycan İlbaşı İlham Äliyıv häm Awrupa Berlege Şurası başlığı Şarl’ Mişel’ belän Bel’giya başqalası Bryussel'dä oçraşaçağın belderde
Ministrlar Şurası cıyılışında belderü yasawçı Paşinyan, 15nçe iyül’dä Bryusel’dä Äliyıv häm Mişel’ belän öç yaqlı oçraşu ütkäräçäklären äytte.
Paşinyan oçraşu waqıtında Azärbaycan belän Ärmänstan arasında qul quyılaçaq tınıçlıq kileşüe söyläşülärendä alğarışlarnıñ bulaçağın ömet itüen belderde.
Äliyev, Paşinyan häm Mişel’ 14nçe mayda Bryussel’dä şulay uq öç yaqlı cıyılışta oçraşqan häm 1nçe iyün’dä Moldovada oyıştırılğan Awrupa säyäsät cämğıyäte sammitı qısalarında Franśiya İlbaşı Êmmanuêl’ Makron häm Germaniya Kanślerı Olaf Şol’ś da qatnaşqan biş yaqlı cıyılış ütkärgän ide.
Mişel’, tınıçlıq kileşüe, transport, iminlek häm çik buyların bilgeläw êşçänlege kebek böten başçalarnı bäyäläwlären citkerep, Azärbaycan belän Ärmänstan liderların oçraştıraçaq monnan soñğı cıyılışnıñ iyül’ ayında Bryussel’dä uzdırılaçağın beldergän ide.
