Azärbaycan belän Gruziya arasında saqlanu xezmättäşlege
Azärbaycan häm Gruziya saqlanu ölkäsendä xezmättäşlek kileşüenä qul quydı
Gruziya saqlanu ministrı Juanşer Burçuladze oçraşular ütkärü öçen kitkän Azärbaycanda Saqlanu ministrı Zakir Xäsänov belän küreşte.
Azärbaycan saqlanu ministrlığınnan yasalğan belderügä kürä, oçraşu waqıtında Azärbaycan-Ärmänstan çigendäge häm waqıtlıça Rusiyä köçläreneñ kontrolendäge Azärbaycan cirlärendäge wazğıyät söyläşelde.
Töbäktä tınıçlıqnıñ häm iminlekneñ täêmin itelüe, xärbi, xärbi texnik, xärbi belem birü ölkälärendä xezmättäşlek mäs’älälären tikşergän ministrlar Azärbaycan, Türkiyä häm Gruziya (Görcestan) arasındağı ike yaqlı häm öç yaqlı xärbi xezmättäşlekkä häm urtaq xärbi künegülärgä tuqtalıp uzdı.
Oçraşunıñ axırında Xäsänov häm Burçuladze "Azärbaycan xökümäte belän Gruziya xökümäte arasında saqlanu ölkäsendä xezmättäşlek kileşüe”nä qul quydı.
Oçraşuları qısalarında Baqıdağı şähitlär ziraatına barğan Burçuladze İlbaşı İlham Äliyev (Äliyıv) tarafınnan da qabul itelde.
