Tatar: “Tön’yaq Kipr Törek Cömhüriyäte suverenlığınnan waz kiçmäyäçäk”
Tön’yaq Kipr Törek Cömhüriyäte İlbaşı Ärsin Tatar, Kipr törekläre belän greklarnı berläşterep, ber däwlät êçendä yäşätäçäk tabiğıy mexanizmnarnıñ bulmawın belderep, Kiprnıñ üzenä xas çınbarlıqlarınıñ buluın äytte
İlbaşı idaräse ofisında bäyäläwlär yasawçı Tatar, 40 yıllığın qotlarğa äzerlängän Tön’yaq Kipr Törek Cömhüriyäteneñ suverenlığınnan hiç taşlama yasamayaçağın äytep, Tön’yaq Kipr Törek Cömhüriyäte çınbarlığınıñ böten dönyanıñ qabul itüeneñ zarurlığına basım yasadı.
Kiprda problemanıñ buluına häm şuna kürä kileşügä ixtıyac buluına iğ’tibarnı yünältüçe Tatar kileşü häm xezmättäşlek yulınıñ ike suveren tigez däwlättän uzuın, problemanı xäl itüneñ ber yağının motlaq räweştä Kipr törekläreneñ däwläte Tön’yaq Kipr Törek Cömhüriyäte buluın iskärtep uzdı.
Tatar, Berläşkän Millätlär Oyışması belän bergä xalıqara cämäğätçelekneñ ber öleşeneñ yasağan berläşü çaqırularınıñ çınbarlıqtan yıraq buluına basım yasap:
"Kipr grekları belän bezne berläşteräçäk, ber däwlät êçendä yäşätäçäk tabiğıy mexanizmnar yuq. Çönki Kiprnıñ üzenä xas çınbarlıqları bar. 60 yıl inde härkem üz poziśiyasın bilgelägän. Min grekça belmim, ul törekçä belmi. Min anı tanımıym, ul mine tanımıy. Êş dönyası ike yaqta başqa törle. Bu cähättän ike cämğıyätle federaśiya süzläre belän ber qaya da barıp bulmıy,” – dide.
Tatar xezmättäşlek häm kileşü bulğan oçraqta Tön’yaq Kipr Törek Cömhüriyätenä Türkiyädän kilgän sunıñ Kön’yaq Kipr belän urtaqlaşunıñ mömkin bulaçağın belderde.
İlbaşı Tatar Tön’yaq Kipr Törek Cömhüriyäteneñ tanıluı öçen tırışuların däwam itterüen bilgeläp uzdı.
