Äliyıv: “Dön’yada neokolonializm awışlığı arttı”

Äliyıv Azärbaycan başqalası Baqıda oyıştırılğan Quşılmawçılar xäräkäteneñ “Kovid-19” êlemtä törkeme sammitında çığış yasadı.

Quşılmawçılar xäräkäte bularaq ğadälätne häm xalıqara xoquqnı yaqlawların belderüçe Äliyıv qayber bay illärneñ kizü waqıtındağı "vakśina millätçelege”neñ “Kovid-19” belän köräşkä citdi kirtälär buldıruın belderde.

Xalıqara xoquqtağı problemalar häm degeneraśiya turında süz alıp baruçı Äliyıv suverenlıq häm cir bötenleklären bozu, däwlätlärneñ êçke êşlärenä tıqşınu kebek bozu oçraqlarınıñ artuına basım yasadı.

Dön’yada neokolonializm awışlığınıñ artuına iğ’tibarnı yünältüçe Äliyıv: "Quşılmawçılar xäräkäte Komor Berlegeneñ franśuz koloniyası citäkçelege astında qalğan Mayotte utrawına qağılışlı bäxässez suverenlığın härwaqıt köçle räweştä yaqladı. Franśuz xökümäten Yaña Kaledoniya xalqınıñ häm franśuz diñgez ar’yağı cämğıyätläre häm cirlärendäge başqa xalıqlarnıñ xoquqların xörmät itärgä çaqırabız. Franśiyanıñ Awrupadan çittä kontrol’ itkän cirlär – franśuz koloniya imperatorlığınıñ qurqınıç qaldıqları. Franśiyanı Afrika, Kön’yaq-könçığış Aziya häm başqa cirlärdäge Quşılmawçılar xäräkäte illärenä qarşı kolonial’ uzğanlığı, qanlı kolonial’ cinayät’läre häm genośid ğamälläre öçen ğafu ütenergä häm cawaplılığın açıp salırğa çaqırabız,” – dip äytte.

Äliyıv, Berläşkän Millätlär Oyışması İminlek Şurasında reformalarnıñ yasaluı zarurlığına basım yasap: "BMO İminlek Şurasınıñ daimi äğ’za sanı tağın da kübräk ilne çolğap alaçaq itep kiñäytelergä häm geografik bularaq tağın da ğadel bulırğa tiyış. Quşılmawçılar xäräkätenä daimi urın birelergä häm çirattağı räis bulğan il şuşı urınğa iyä bulırğa tiyış,” – dip qaraşın citkerde.

Cıyılışta Äliyıv belän ber rättän Törekmänstan, Üzbäkstan, Ğıyraq häm Liviya Däwlät başlıqları, Bosniya-Hersegovina İlbaşı Şurası başlığı, Kuba, Gabon häm Tanzaniya Däwlät başlığı urınbasarları, Aljir häm Keniya baş ministrları bar ide.

Yuğarı däräcäle oçraşuda Berläşkän Millätlär Oyışmasınıñ 77nçe Ğomum şura başlığı Csaba Körösi, Bötendönya turizm oyışması ğomum särkätibe Zurab Pololikaşvili, Xalıqara migraśiya oyışması ğomum direktorı Antonio Vitorino, BMO Jeneva ofisı ğomum direktorı Tat’yana Valovaya, İq’tisadi xezmättäşlek oyışması ğomum särkätibe Khusrav Noziri dä qatnaştı.