Urta Aziya-AQŞ tışqı êşlär ministrları sammitı
Törekmänstan tışqı êşlär ministrı Raşid Märädov Qazaqstan başqalası Astanada uzdırılğan Urta Aziya-Amerika Quşma Ştatları tışqı êşlär ministrları sammitı qısalarında AQŞ däwlät särkätibe Êntoni Blinken belän oçraştı
Amerika Quşma Ştatları xökümäteneñ räsmi web säxifäsennän yasalğan belderügä kürä, AQŞ däwlät särkätibe Blinken, Törekmänstan belän Amerika Quşma Ştatları arasındağı 30 yıldan artıq däwam itüçe urtaqlıqnıñ ğorurlıq birüçe buluın belderep, Törekmänstan belän regional’ iminlek, klimat üzgäreşläre, keşelär öçen köçle iq’tisadi mullıq häm nigezle demokratik qıymmätlär mäs’älälären söyläşü öçen bergä tağın da kübrägen yasarğa teläwlären iskärtep uzdı.
Törekmänstan tışqı êşlär ministrı Meredov ta yuğarı däräcäle oçraşunıñ Törekmänstan belän Amerika Quşma Ştatları arasındağı xezmättäşlekneñ kiñäytelüe turında söyläşü öçen zur forsat bulaçağın belderde.
Meredov ike il arasında bik yaxşı häm êffektiv kiñäşmä mexanizmnarınıñ buluın häm şuşı kiñäşmälärneñ yaqın waqıtta qabat oyıştırıluı belän ike yaqlı mönäsäbätlär häm regional’ iminlek temaların tafsille itep tikşerä alaçaqların iskärtep uzdı.
Qırğızstan tışqı êşlär ministrı Cäänbäk Kulubayıv ta sammit qısalarında Blinken belän küreşep söyläşkän ide.
Kulubayıv belän Blinken söyläşüe waqıtında könüzäk mäs’älälär, perspektivalı xezmättäşlek ölkäläre häm 2023nçe yıl urtaq xezmättäşlek plannarı quzğatılğan ide.
Şul arada Üzbäkstan tışqı êşlär ministrı wäkile Bahtiyar Saidov ta oçraşular ütkärü öçen Taşkentqa kilgän AQŞ däwlät särkätibe Êntoni Blinken belän küreşep söyläşte.
