“Gazprom” belän Üzbäkstan tabiği gaz ölkäsendä xezmättäşlek itü öçen yul kartasına qul quyğan
Bu xaqta "Gazprom" xäbär itä
Rusiyäneñ “Gazprom” şirkäte belän Üzbäkstan arasında tabiği gaz ölkäsendä xezmättäşlek itü öçen yul kartası imzalanğan.
”Gazprom”nan yasalğan belderügä qarağanda, “Gazprom” başlığı Aleksey Miller Üzbäkstan ênergetika ministrı Corabek Mirzamaxmudov belän oçraşqan.
Oçraşuda “Gazprom” belän Üzbäkstan arasında xezmättäşlek mäs’äläläre qaralğan.
”Miller häm Mirzamaxmudov tabiği gaz ölkäsendä xezmättäşlek itü öçen yul kartasına qul quydılar” diyelä “Gazprom” belderüendä.
Rusiya, Üzbäkstan häm Qazaqstan arasında öç yaqlı tabiği gaz berlege tözü buyınça kiñäşmälär däwam itä.
Rusiya däwlät başlığınıñ matbuğat särqatibe Dmitriy Peskov 2022 nçe yılnıñ noyabrendä yasağan belderüendä Rusiya, Qazaqstan häm Üzbäkstan arasında tabiği gaz xezmättäşlegeneñ här ilneñ faydasına bulaçağın, berençe çiratta koordinaśiya mexanizmı buldıru planlaştırıluın äytkän ide.