"Bügenge oçraşu iq’tisadi xezmättäşlek cähätennän möhim waqıyğa"

Törekmänstan däwlät başlığı Särdar Bärdemöxämmädov Türkiyä - Azärbaycan – Törekmänstan ilbaşlarınıñ berençe sammitında yasağan çığışında  älege oçraşunıñ öç qardäş ilne ber-bersenä yaqınaytuın häm illär arasında xezmättäşlekne arttıraçağın assızıqladı.

Bärdemöxämmädov bilgeläp uzğança,büğen 3 il arasında uzğan sammit iq’tisadi xezmättäşlek cähätennän möhim waqıyğa.

“Törekmänstan, Azärbaycan häm Türkiyä ênergiya çığanaqların dön’ya bazarına cibärü öçen garmoniyäle, küp qırlı sistema buldıru östendä êşlilär”,-dide ul.

Särdar Bärdemöxämmädov transport mäs’äläseneñ dä ähämiyätenä tuqtalıp bolay dide: “Bez Aziya häm Awrupa arasında bezneñ illär aşa uzğan transport koridorları buldıru öçen urtaq strategiya nigezendä tığız, öç yaqlı xezmättäşlek kiräklege mäs’äläsendä urtaq fikerdä”.

Törekmänstan däwlät başlığı:” Törekmänstannan Azärbaycanğa häm Türkiyägä yaña transport koridoru iñ möhim proyektlarnıñ berse bulırğa mömkin. Bez bu yünäleştä transportnı ciñeläytü öçen berdäm logistika üzäge buldıru turında söyläşergä täq’dim itäbez”,-dide.