"Tön’yaq Kipr törek cömhüriyäten tanu waqıtı citte"
Türkiyä idaräse Kiprdağı berdänber çişeleşneñ berdäy xoquqqa iyä ike däwlät strukturası buluın assızıqlıy
Türkiyä ilbaşı kiñäşçese Fuat Oktay Tön’yaq Kipr törek cömhüriyäten tanu waqıtı citüen äytte. Ul Türkiyä däwlät teleradiokompaniyäseneñ TRT Xäbär kanalı tapşıruında qatnaşıp älege mäs’äläne kütärde.
Oktay ilbaşı Räcäp Tayyip Ärdoğannıñ sentyabr’dä BMOda yasağan möräcäğaten xäterlätte. Türkiyä liderı: “Xalıqara cämäğat’çelekne Kipr töreklären êzärlekläwlärgä çik quyarğa häm kiçekmästän Tön’yaq Kipr törek cömhüriyäten räsmi räweştä tanırğa çaqırabız,”-dide.
Oktay älege däwlätneñ Türkiyäneñ Könçığış Urta diñgez säyäsäte qısalarında kire qaqqısız buluın äytä. Anıñça, “Tön’yaq Kipr törek cömhüriyäte bulmasa, Türkiyä dä bulmayaçaq”.
Fuat Oktay törek xalqınıñ barlıq çişeleş plannarın yaqlawına qaramastan, Kiprda näticä yasalmawın, monnan soñ berdänber çişeleşneñ suveren, berdäy xoquqqa iyä ike däwlät strukturası buluın assızıqladı.
“Bez monı tanu yulı belän êşläyäçäkbez. Tön’yaq Kipr törek cömhüriyäten tanu waqıtı citte,”-dide Türkiyä ilbaşı kiñäşçese.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä
