Aziyädä xezmättäşlek häm ışanıç arttıruçı çaralar konferenśiyası sammitı beldergese

Qazaqstan başqalası Astanada ütkärelgän Aziyädä xezmättäşlek häm ışanıç arttıruçı çaralar konferenśiyasınıñ 6nçı sammitınıñ yomğaq beldergese basıldı.

Beldergedä yuğarı däräcäle oçraşuda qatnaşqan äğ’za illärneñ däwlät häm xökümät başlıqlarınıñ Aziyädä xezmättäşlek häm ışanıç arttıruçı çaralar konferenśiyasınıñ tulı xoquqlı xalıqara oyışmağa êtaplı bularaq küçeş barışın başlatu qararın qabul itüe citkerelde.

Beldergedä: “Qurqınıçsız häm çäçäk atqan töbäk öçen 21nçe ğasırnıñ problemalarına urtaq çişeleşlär êzläw häm kileşmäwçänleklärneñ Berläşkän Millätlär Oyışması şartnamäsenä yaraşlı bularaq tınıç yullar belän xäl itelüen täêmin itü öçen oyışmabıznıñ êçendä urtaq êşçänleklärebezne köçäytäçäkbez”, - dip äytelde.

Quveytnıñ Aziyädä xezmättäşlek häm ışanıç arttıruçı çaralar konferenśiyasınıñ 28nçe tulı äğ’zase bularaq qabul itelüe belderelgän beldergedä Aziyädä xezmättäşlek häm ışanıç arttıruçı çaralar konferenśiyasınıñ çirattağı räislegen 2024nçe yılğa qadär Qazaqstannıñ alıp baruı mäs’äläsendä liderlarnıñ kileşüe äytelde.

Awrupa iminlek häm xezmättäşlek oyışmasınıñ Aziyä qorılışına oxşaş bulu maqsatınnan çığıp tözelgän Aziyädä xezmättäşlek häm ışanıç arttıruçı çaralar konferenśiyası iq’tisad, moxitnı saqlaw, humanitar, yaña sınawlar häm yanawlar, xärbi-säyäsi buluı belän bergä 5 töp yünäleştä êşçänlek alıp bara.

Üzäge Qazaqstan başqalası Astanada urnaşqan Aziyädä xezmättäşlek häm ışanıç arttıruçı çaralar konferenśiyasınıñ 28 tulı, 9 küzätüçe äğ’zase bar.

Äğ’zä illär: Türkiyä, Qazaqstan, Azärbaycan, Äfğanstan, Baxreyn, Bangladeş, Berläşkän Ğaräp Ämirlekläre, İran, Ğıyraq, İzrail, Yordaniya, Qatar, Kambodja, Qırğızstan, Misır, Mongoliya, Paqıstan, Hindstan, Kön’yaq Koreya, Fälästin, Şri-Lanka, Qıtay, Tacikstan, Tayland, Rusiyä, V’etnam, Üzbäkstan häm Quveyttan.

Amerika Quşma Ştatları, Belarus, İndoneziya, Yaponiya, Malayziya, Filippinnär, Ukraina, Törekmänstan häm Laos isä küzätüçe statusta konferenśiyädä urın ala.

Qazaqstannıñ qabul itüendä başqala Astanadağı Bäysezlek sarayında Qazaqstan İlbaşı Qasıym Cumart Toqayıv räislegendä uzdırılğan yuğarı däräcäle oçraşuda Türkiyä İlbaşı Räcäp Tayyip Ärdoğan, Rusiyä Däwlät başlığı Vladimir Putin, Azärbaycan İlbaşı İlham Äliyıv, İran İlbaşı İbrahim Räisi, Ğıyraq Däwlät başlığı Bärhäm Salih, Qatar Ämire Şäyıx Tämim bin Hamäd Al Sani, Fälästin İlbaşı Mäxmüt Abbas, Üzbäkstan Däwlät başlığı Şäwkät Mirziyäyıv, Qırğızstan İlbaşı Sadır Caparov, Tacikstan Däwlät başlığı İmamali Raxman, V’etnam Däwlät başlığı urınbasarı Vo Thi An Suan belän bergä küzätüçe statusqa iyä Belarus İlbaşı Aleksander Lukaşenko qatnaştı.