Tatar: “Zäñgär watan bezneñ öçen bik qıymmätle watan”
Tön'yaq Kipr Törek Cömhüriyäte İlbaşı Ärsin Tatar, ileneñ Zäñgär watanda xaq-xoquqları buluına basım yasap, Zäñgär watannıñ üzläre öçen bik qıymmätle buluın äytte
Ärzincanda Binali Yıldırım universitetı 2022-2023 uqu yılı açılışı häm Xalıqara törki dönya simpoziumı programması oyıştırıldı.
Tön'yaq Kipr Törek Cömhüriyäte İlbaşı Tatar programmada çığış yasadı.
Çığışında “Zäñgär watan”ğa basım yasawçı Tatar: “Watan barı tik cir-tufraq qına tügel, ber ük waqıtta diñgezlärdäge uglevodorod häm ênergiya potenśialı häm çığanaqları häm küklärdä, hawa kiñlegendä xaq-xoquqıbıznı häm iradäbezne wäkillek itkän milli sizgerleklärebezder” – dip äytte.
Kiprdağı köräşläreneñ asılda suverenlıq häm däwlät mäs’äläse buluına iğ’tibarnı yünältüçe Tatar: “Könçığış Urta diñgez, säwdä yulları, ênergiya koridorı, andağı Zäñgär watandır. Böten bolarnıñ barısında anda zur watan öleşe bar häm şuşı watan öleşe böten törkilek dönyasınıñ andağı däwamı”, - dip belderde.
Tön'yaq Kipr Törek Cömhüriyäte Däwlät başlığı: “Tön'yaq Kipr Törek Cömhüriyäteneñ Zäñgär watanda xaq-xoquqları bar. Zäñgär watan bezneñ öçen bik qıymmätle watan”, - dip iskärtep uzdı.
