Qıtay-Qırğızstan-Üzbäkstan timer yulı kileşüe
Üzbäkstannıñ Sämärqand şähärendä Qıtay-Qırğızstan-Üzbäkstan timer yulınıñ Qırğızstan cirlärendäge öleşen salu proyıktına qağılışlı xezmättäşlek kileşüe imzalandı
Qırğızstan İlbaşı idaräseneñ matbuğat üzägennän yasalğan belderüdä Şanxay xezmättäşlek oyışması äğ’zase däwlätlärneñ liderlar sammitın qabul itüçe Sämärqand qalasında Qıtay-Qırğızstan-Üzbäkstan timer yulınıñ Qırğızstandağı öleşen salu proyıktına qağılışlı xezmättäşlek kileşüenä qul quyıluın citkerelde.
Kileşügä Qırğızstan transport häm êlemtä ministrı Ärkinbäk Osoyıv, Üzbäkstan transport ministrı İlhom Mahkamov häm Qıtay üseş häm reformalar däwlät komitetı başlığı He Lifenneñ imza saluı iskärtelep uzıldı.
Kileşüneñ Qıtay-Qırğızstan-Üzbäkstan timer yulı salınaçaq Torugart-Arpa-Makmal-Cälalabad yünäleşendä texnik-iq’tisadi nigeznamä êşçänlegeneñ iñ soñ 2023nçe yılnıñ 1nçe iyün’ könenä qadär tögällänüen küzdä totuı citkerelde.
Qıtay-Qırğızstan-Üzbäkstan timer yulı proyıktı näticäsendä Urta Aziyanıñ Könyaq-könçığış, Könbatış Aziya häm Yaqın Könçığış bazarlarına ireşüeneñ täêmin itelüe maqsat itelä.
