"Azärbaycan - Türkiye berdämlege häm berlektäşlegeneñ dön’yada tiñe yuq"

Azärbaycan ilbaşı İlham Aliyev böyek Ciñüneñ 100 yıllığı mönäsäbäte belän Türkiye ilbaşı Räcäp Tayyip Ärdoğanğa qotlaw xatı cibärde.

Ul üz xatında älege ciñüneñ tuğandaş törek xalqı tarixınıñ iñ maqtawlı säxifäläreneñ berse buluın assızıqladı.

Azärbaycan ilbaşı Watan öçen üz ğomerlaren qorban itkän şähitlärne tirän xörmät belän iskä aldı.

“Danlı ciñüdän ber ğasırdan soñ bügenge köndä Türkiye sezneñ citäkçelegezdä törle yaqlap alğa kitkän, köçle ilgä äwerelde.Türkiye töbäktäge häm dön’yadağı qatlawlı prośesslarda täwäkkäl häm prinśipial’ totışı, tınıçlıq häm ğadellek urnaştıru tırışlıqları belän xalıqara cämäğät’çelekkä köçle yoğıntı yasadı. Bez sezneñ ilneñ barlıq ölkälärdäge qazanışları belän bik ğorurlanabız” dide İlham Aliyev üz xatında.

Ul “ber millät, ike däwlat” prinśibına nigezlängän Azärbaycan - Türkiye berdämlege häm berlektäşlegeneñ dön’yada tiñe bulmawına da basım yasadı.