Toqayıv Qırğızstanğa säfär yasadı

Qırğızstan İlbaşı Sadır Caparov ilenä çaqırğan Qazaqstan Däwlät başlığı Toqayıvne räsmi tantana belän qarşı aldı.

Qırğızstan İlbaşı idaräse binasında Caparov häm Toqayıv qara-qarşı häm wäkilleklärara söyläşülär ütkärde.

Wäkilleklärara söyläşü waqıtında çığış yasawçı Caparov: "İke il arasında bernindi möhim säyäsi qapma-qarşılıq yuq,” – dip äytte.

Caparov Qırğızstan häm Qazaqstannıñ urtaq tırışular belän ike yaqlı mönäsäbätlärneñ tağın da üseş alaçağın belderde.

Qırğızstanğa säfäreneñ ike il arasında diplomatik mönäsäbätlärneñ urnaştırıluınıñ 30 yıllığında yasaluına iğ’tibarnı yünältüçe Toqayıv:

“Bügen sezneñ köçle citäkçelegegez belän Qırğızstanda möhim säyäsi, sośial’ häm iq’tsadi reformalar tormışqa aşırıla. Däwlätneñ köçäyüen, millätneñ berlegen häm Qırğızstannıñ dönyada avtoritetın nığıtaçaq böten tırışularığıznı yaqlıybız. Bez Qazaqstan bularaq şuşı maqsatlarnıñ tormışqa aşırıluı öçen härtörle yärdäm kürsätergä äzer,” – dip belderde.

Toqayıv Caparovnıñ Qazaqstan belän küp yaqlı urtaqlıq urnaştıru telägen häm şuşı yünäleştäge xosusıy tırışuın täq’dir itüen äytte.

İke il arasında aviaśiya êzläw häm qotqaru ölkäsendä xezmättäşlek kileşüe belän bergä mäğarif, awıl xucalığı, iq’tisad, logistika häm cirle citäkçeleklärdä xezmättäşlek memorandumnarı imzalandı.