“Rusiyä-İslam dön’yası: Qazan oçraşuı 2022” kötelä
Oçraşunıñ 13nçese bıyıl 19-21nçe may könnärendä oyıştırılaçaq
Rusiyä belän İslam Xezmättäşlek oyışmasına äğza illärneñ iqtisad wäkilläre oçraşaçaq “Rusiyä-İslam dön’yası: Qazan oçraşuı 2022” Tatarstan başqalası Qazanda uzaçaq.
Oçraşuğa xalıqara oyışmalar, däwlät häm finans institutları wäkilläre, ilçelek räsmi zatları, säyäsätçelär, investorlar häm êşmäkärlär kiläçäk.
Rusiyä belän İslam Xezmättäşlek oyışmasına äğza illär arasındağı säwdä häm iqtisadi, fänni häm texnik, soŝial’ häm mädäni bağlarnı nığıtunı maqsat itüçe oçraşunıñ 13nçese bıyıl 19-21nçe may könnärendä oyıştırılaçaq.
Teması “İqtisadtan bergäläp faydalanu häm xäläl añlayışınıñ urtaq tabışları” bulaçaq oçraşuda İslami finans häm urtaq bank êşe, xäläl industriyase, yäş’lär diplomatiyase, êksportnıñ üsterelüe, êşquarlıq häm investiŝiya mäs’äläläre quzğatılaçaq.
Oçraşuda “Rusiyä Xäläl Expo 2022” kürgäzmäse, “Maşina citeşterü klasterı forumı” belän ber rättän Xalıqara Xäläl köne häm Bolğarğa qadärge İdel xalqınıñ İslam dinen qabul itüeneñ 1100nçe yıllığı qısalarında çaralar oyıştırılaçaq.
Ayıruça “İslam Xezmättäşlek oyışması illäre Yäş’ êşquarlar forumı” belän “İslam Xezmättäşlek oyıması illäre Yäş’ diploamtlar forumı”, finans tarmaqtağı problemalar bäxäsläşeläçäk “SberTalk” çarası häm “Modest Fashion Day” moda çığışı çınğa aşırılaçaq.
Oçraşuda uzğan yılnı 64 il häm Rusiyäneñ 41 töbägennän 5 meñ tiräse keşe qatnaşqan ide.
