Ärdoğan “Yaña Üzbäkstan” öçen mäqalä yazdı

İlbaşı Ärdoğan Üzbäkstanda çıqqan “Yaña Üzbäkstan” gazetı öçen mäqalä yazdı.

Ärdoğan mäqaläsendä Aziyanıñ yörägendäge geostrategik torışı, bay tabiğıy çığanaqları häm bäräkätle cirläre belän Üzbäkstannıñ töbägendä häm ar’yağında möhim rol’ uynıy alğan il buluına basım yasadı.

Üzbäkstan İlbaşı Şäwkät Mirziyayıvneñ reforma säyäsätläreneñ barı tik ilendä genä tügel, böten Urta Aziyada soqlanıp qaraluın belderüçe Ärdoğan:

“Üzbäkstannıñ Äfğanstandağı humanitar awırlıqlarnıñ ciñeläytelüe cähätennän üz östenä alğan äydäp baruçı rölen täq’dir itäbez. Äfğanstanğa humanitar yärdämnärneñ citkerelüendä Tärmäz şähäreneñ Berläşkän Millätlär Oyışması belän ber rättän başqa böten xalıqara oyışmalar öçen logistik üzäk buluın xuplıybız. Üzbäkstannıñ Urta Aziyada häm ar’yağında urnaştırırğa telägän mullıq häm totrıqlılıq qısalarında alğı planğa çığarğan bäyläneşlek konśepśiyasına bezneñ dä ähämiyät birüebezgä basım yasarğa telim”, - dide.

Törek êşmäkärläreneñ Üzbäkstanda tormışqa aşırğan proyıktlarnıñ ğorurlıq säbäbe buluı belän ber rättän ike yaqlı säwdäneñ êtärgeç köçen täşkil itüen dä bilgeläp uzuçı Ärdoğan:

“Törkiyäneñ Aziya yöz yılında borınğı qıytğa belän mönäsäbätlären “Yañadan Aziya” şiğare belän tağın da kiñ qolaçlı alımnarı belän urnaştırğan şuşı çorda qardäş Üzbäkstan belän mönäsäbätlärebezneñ här ölkädä arttırıluın ber saylap aludan kübräk arabızdağı xosusıy bağlanışlarnıñ häm tarixnıñ bezgä yöklägän cawaplılıq bularaq küräm”, - dip äytte.

Ärdoğan: “Qardäş Üzbäkstan belän kiläçägebezne bergä tözü ğayrätebezneñ böten keşelekkä isänlek kiteräçägenä ışanabız. İke yaqlı xörmät häm ışanıç nigezendä kübäygän xezmättäşlegebezneñ şul uq tizlektä üseşen däwam itär digän ömet belän millätem isemennän üzbäk qardäşlärebezgä çın yöräktän sälamnäremne häm söyüemne citkeräm”, - dip belderde.