Azärbaycan: “Rusiyä belderüe çınbarlıqqa turı kilmi”
Azärbaycan saqlanu ministrlığı Rusiyä saqlanu ministrlığınıñ "Azärbaycan armiyası Qarabaxtağı Färruh awılınnan ğaskärilären çığardı” räweşendäge belderüeneñ çınbarlıqqa turı kilmäwen citkerde
Ministrlıqtan yasalğan belderüdä Azärbaycannıñ suveren cirläreneñ öleşe bulğan "Färruh awılı häm tirä-yağındağı poziśiyälärdä bernindi üzgäreşneñ bulmawı, Azärbaycan ğaskäreneñ kire çigenmäwe” äytelde.
Belderüdä, Rusiyä saqlanu ministrlığınıñ "utnı tuqtatunı Azärbaycannıñ bozuı” raslawınıñ nigezsez buluına basım yasalıp, Azärbaycan xärbiläre arasında yaralanu oçraqlarınıñ bulmawına iğ’tibar yünältelde.
Rusiyä saqlanu ministrlığınıñ "Tawlı Qarabax" ğıybaräsen qullanuı citkerelgän belderüdä: "Azärbaycan cirlärendä “Tawlı Qarabax” isemle administrativ rayon bülege yuq. Rusiyä saqlanu ministrlığınıñ bu ğıybaräne qullanuı Azärbaycannıñ cir bötenlegen xörmät itmäweder”, - dip iskärtelep uzıldı.
Rusiyä saqlanu ministrlığınıñ şimbä könge belderüendä Azärbaycan armiyasınıñ Qarabaxta Rusiyä törkemnäreneñ cawaplılıq töbägenä kerep küzätü noqtaların urnaştıruı häm Qarabaxtağı Ärmänstan xärbi törkemnärenä höcüm yasawı alğa sörelgän ide.
Kiçäge belderüdä isä Azärbaycan ğaskäreneñ söyläşülärdän soñ kire çigenüe iğ’lan itelgän ide.
